Dekɛ Tara Vom Somɔ Daarewoo! Gɔŋɔ La Tum Tuuma Na’am Mɔɔlegɔ Poan

Bisɛ to puurɛ n pee se’em la to nyɛ gɔnlɛmlɛm la gɔŋɔ paalega ti to tara ita Baabule zamesegɔ! To zuseri la Yehowa ti a kã bo to ti to ta’an ɛ podɔleba zo’e zo’e. (Mt 28:18-20; 1Ko 3:6-9) To wan dekɛ lɔɣɔrɔ wa tum tuuma la wani?

Tara Vom Somɔ Daarewoo!, Baabule zamesegɔ n wan soŋɛ hɔ, wan pa’alɛ tɔ sarɔse’a ti to wan ta’an pa’ala. Dɔla pa’alegɔ wa se’em ma’a ti ho maasena ge me ita Baabule zamesegɔ.a

• Kaalɛ gɔŋɔ la ge sɔsɛ sokese’a n boi bim la

• Kaalɛ “kaalɛ” gulesegɔ la ge soŋɛ ho Baabule zamesegɔdaana la ti a bɔkɛ de vuurɛ

• Ŋmɛ ge sɔsɛ vidiyodoma la, dekɛ sokese’a n boi gɔŋɔ la poan la tum tuuma

• Se’em ma’a ti ho zamesa la nɛra, ni tiregɛ zamesɛ zaseŋɔ ayina ba’asɛ

Na’am mɔɔlegɔ poan, dekɛ gɔnlɛmlɛm la bo nɛra la ge bisɛ nyaa a boti zamesegɔ la. (Bisɛ daka “Hon Wan Dekɛ Tara Vom Somɔ Daarewoo! Gɔnlɛmlɛm La Pɔsɛ Sɔsega Se’em”.) Hon la ho Baabule zamesegɔdaana la san zamesɛ gɔnlɛmlɛm la ba’asɛ ti a bɔta ti a tɔ̃kɛ zamesegɔ la, dekɛ gɔŋɔ la bo en ti ya nyaa pɔsɛ zaseŋɔ 04 la. Ho san tara to Baabule zamesegɔ gɔnɔ la ayima pa’ala nɛra, tee dekɛ Tara Vom Somɔ Daarewoo! gɔŋɔ la bisɛ zɛ’an n nari ti ya tɔ̃kɛ.

BISƐ VIDIYO LA ZUO N DE HO BAABULE ZAMESEGƆ GE NYAA LEBESE SOKERE ANA WA:

• Baabule zamesegɔdoma wan zamesɛ la bem gɔnpaalega la poan?

• Beni n sɔi ti la nara ti ho dekɛ vidiyo wa pa’alɛ ho Baabule zamesegɔdaana?

• Yele ani ti ho wan ta’an kpemese ho Baabule zamesegɔdaana la giila ti a eŋɛ?—Bisɛ daka “Bɔberɛ Woo Yelekpine La Mam Boti N Eŋɛ Sɛla”