Basɛ Ti Mabiisi Soŋɛ Hɔ

Yehowa basɛ ti to tara la mabiisi “woo me n boe teŋa wa zuo” ti ba soŋera tɔ. (1Pe 5:9) Ba ta’an soŋɛ tɔ ti to ita yelese’a n kpe’em ta’an nyɛta nɛŋa tɔlega na’am mɔɔlegɔ poan. Makerɛ, Akuila la Priscilla, Silas, Timoti la basɛba yuun soŋɛ tuuntuna Paul mɛ.—Tm 18:1-5.

To mabiisi wan ta’an soŋɛ ho la wani na’am mɔɔlegɔ poan? Ba wan pa’alɛ ho sɛla n wan soŋɛ hɔ ti ho ta’an sɔsɛ la nɛresɛba n ka boti ba kelese, ti ho ta’an ita lebe ta bisɛ bii Baabule zamesegɔ. Ti’isɛ bisɛ ho tansugere la poan se’em n wan ta’an soŋɛ hɔ ge yele en ti a soŋɛ hɔ. Nɔkpe’ene kai ti ya wan nyɛ nyuurɔ de poan ge ti ya puurɛ me pee.—Flp 1:25.

BISƐ ITIPA’ALEGƆ VIDIYO LA ZUO N DE TARA PUPEELUM PODƆLEBA EERE LA POAN—BASƐ TI YEHOWA SOŊƐ HƆ—TO MABIISI GE NYAA LEBESE SOKERE ANA WA:

• 

  Nbo daa eŋɛ la wani kpemese Apuo giila ti a kena tansugere zamesegɔ?

• 

  Beni n sɔi ti la nara ti to ni beem mabiisi ti ba naɛ la tɔ ti to eŋɛ Baabule zamesegɔ?

• 

  Apuo la Apɔka nɔŋɛ la bem yɛla?

• Mabiisi wan ta’an pa’alɛ ho la bem yɛla na’am mɔɔlegɔ poan?