Hon Maasum Homea Gura Yeleya’a Daarɛ?

Tingɔŋɔ wa ba’asegɔ n kɔ’ɔn pɔ̃ra la, to mi ti yeleya’a yɛla, yeleya’a yɛla la nɛreyaalesi n siisina kuura nɛreba se’em la wan malum gaŋɛ bala. (Lil 6:4) To wan eŋɛ la wani ta’an maasum gura yelese’a n wan paɛ tɔ beere sa’am?

• Maasum homea vo’osum poan: Bisɛ naresum yɛla la gulesegɔ se’a n wan ta’an basɛ ti ho tara sakerɛ n kpe’em bɔ’ɔra Yehowa la a tigere la ge me wan soŋɛ hɔ ti ho kan dekɛ homea pa’asɛ tingɔŋɔ wa yɛla poan. (Mag 12:5; jr-E 125-126 ¶23-24) Nananawa n de sansɛka n nari ti to tara bɔnsoŋa la mabiisi la n boi to tansugere la poan la.​—1Pe 4:7, 8

• Maasum homea innaanɛ poan: Te’ele maasum ga’aregɔ zɛ’an la yelese’a n pakɛ. Leyɛ’ɛsa, te’ele maasum ya wan zɔ keŋɛ zɛ’an. Geele bisɛ yelese’a n pakɛ yeledi’ima tapɔɔ la poan ge me dekɛ personal protective equipment (homea te’elego lɔɣɔrɔ) la ligeri pa’asɛ bim. Mina hon wan eŋɛ se’em ta’an nyɛ keendoma la ge me mina bamam n wan eŋɛ se’em ta’an nyɛ hɔ.​—Isa 32:2; g17.5-E 3-7

Yeleya’a dabeserɛ, kɔ’ɔn tɛra vo’osum yɛla daarewoo. (Flp 1:10) Da ɛɛra yoo yoo san daɣena la ya yeti ya ta kɛ̃’ɛra la zɛ’an. (Mt 10:16) Dekɛ ho dia la sɛla ti ho tara la laɣum tɔ̃rɛ.​—Arom 12:13

BISƐ VIDIYO LA ZUO N DE HON MAASUM HOMEA GURA YELEDI’IRE? GE NYAA LEBESE SOKERE ANA WA:

• Yehowa wan ta’an soŋɛ to la wani yeledi’ire poan?

• Bem ti to wan ta’an eŋɛ maasum tomea?

• Bem ti to wan ta’an eŋɛ soŋɛ sɛba ti yeledi’ire paɛ ba la?