Maasum Homea Nananawa Gura Imma’asum Yeledi’ire

Beni n sɔi ti la nara ti to maasum? Imma’asum yeledi’ire yɛla ta’an di’e to mɛ. Bala la, dekɛ hon tari yɔ’ɔ sebo la eŋɛ maaseŋɔ ti la ta’an soŋɛ hɔ ti ho nyɛ tibegɔ n nari. Ho san eŋɛ bala, la wan pa’alɛ ti ho tari gilema bɔ’ɔra vom la Yehowa lɔɔ la n tɔɣɛ ziim yele se’em la mɛ.​—Tm 15:28, 29.

Ho wan eŋɛ la wani ta’an maasum?

• Ma’ɛ homea zusɛ ge gulesɛ durable power of attorney (DPA) gɔŋɔ la.a Sɛba n muse ko’om ta’an to’e DPA gɔŋɔ la se’em n biseri gɔnɔ la zɛ’an, la Identity Card (ic) bo ba kɔma sɛba n nan ka muse ko’om la

• Ho san tara puurɛ, soke ho keendoma la ti ba bo ho Information for Expectant Mothers (S-401) gɔŋɔ la. Gɔŋɔ wa wan ta’an soŋɛ hɔ ti ho baŋɛ hon wan kɔ’ɛ ho puti’irɛ se’em imma’asum yɛla poan ho san tara puurɛ bii ho yeti ho dɔɣɛ mɛ

• Ba san tɔɣera ziim yɛla ho tibegɔ la poan bii ba yeti ba to’e ho gã’arɛ la asibitin, basɛ ti ho keendoma la te’ele mina ge yele dɔgetadoma la ti Yehowa Sɛɛradoma ayima wan wa’an ho zɛ’an na

Keendoma la wan ta’an soŋɛ ho la wani? Ba wan ta’an soŋɛ hɔ ti ho gulesɛ DPA gɔŋɔ la. Ge keendoma la kan ta’an kɔ’ɛ puti’irɛ bo ho imma’asum yɛla poan bii ba pa’alɛ hɔ hon nari ti ho eŋɛ se’em yele la poan. (Arom 14:12; Ga 6:5) Ho san basɛ ti ho tansugere keendoma la baŋɛ ti ziim yɛla n pa’asɛ ho tibegɔ la poan, ba wan yele Imma’asum Yɛla Bisegadoma bii HLC la kalam bo ho.

Imma’asum Yɛla Bisegadoma bii HLC la wan ta’an soŋɛ ho la wani? Ba kumesɛ mabiisi sɛba n boi HLC la mɛ ti ba soŋɛ dɔgetadoma la kpɛ’ɛndoma basɛba ti ba bɔkɛ sɛla n sɔi ti to ka tɔ’ɔsa ziim. Ba wan ta’an sɔsɛ la dɔgeta la ti a baŋɛ tibegɔ ase’a n ka nari ti ba kɛ̃’ɛsɛ ho ziim. La yele san pakɛ, ba ta’an ɛ dɔgeta sɛka n wan sakɛ hon boti sɛla la.

BISƐ VIDIYO LA ZUO N DE HON WAN EŊƐ SE’EM TA’AN KƆ’Ɛ PUTI’IRƐ SOŊA ZIIM YƐLA TIBEGƆ POAN GE NYAA LEBESE SOKE ANA WA:

• Hon zamesɛ la bem vidiyo wa poan n wan ta’an soŋɛ hɔ ti ho maasum gura imma’asum yeledi’ire n nari ti ba kɛ̃’ɛsɛ ho ziim?

  textarea-1