Hon Tɛ̃ri?
Hon ma’ɛ homea kaalɛ ŋmarega woo Pigera Zontua la yuunɛ wa poan? Aatɔ, bisɛ nyaa ho san wan nyaŋɛ lebese soke ana wa:
To wan nyɛ nyuurɔ la wani to san zusera, kɛlesa ge me ti’isa Yehowa yele?
To wan ta’an kɔ’ɛ puti’irɛ tum tuuma soŋa, mina pa’alegɔ, tara sakerɛ n kpe’em ge me tara nɔŋerɛ zo’e zo’e bɔ’ɔra Yehowa.—w22.01-E, gɔn. 30-31.
La wan soŋɛ to la wani to san dekɛ tomea delum Yehowa la sɛba n boi to nɛŋa la?
Nananawa n de sansɛka ti la nara ti to dekɛ tomea delum Naayinɛ n iti a yɛla se’em ge da tara puti’ira ayi ayi la keendoma la pa’alegɔ. Mɛlesekãtɛ la san ta pɔsɛ, la wan basɛ ti to nana ba, hali ba san bo pa’alegɔ ti la ana wuu yɛm ka boi pa’alegɔ la poan la.—w22.02-E, gɔn. 4-6.
Maleka la n yuun yele Zekaria ti ‘mɛta dɔɔ n boi Gɔmena Zerubabel nu’usin’ la pa’alɛ la bem? (Zek. 4:8-10)
Liligere wa yuun basɛ ti Naayinɛ nɛreba baŋɛ ti, ba wan mɛ pu’usegɔ deo la ba’asɛ ti la makɛ la Naayinɛ n boti se’em.—w22.03-E, gɔn. 16-17.
To wan eŋɛ la wani ta’an tara ‘makesonɛ to yetɔɣum poan’? (1 Tim. 4:12)
To tari la gilema bɔ’ɔra nɛreba na’am mɔɔlegɔ poan ge me mina guŋerɛ, yuuna yuuma la to suure za’a ge me bɔ’ɔra lebesego zamesegɔ poan. To me tɔɣeri la yelemɛŋɛrɛ, kpɛmesa nɛreba giila ge me ka tɔɣera yetɔɣepɔ̃’ɔsa.—w22.04-E, gɔn. 6-9.
Beni n sɔi ti goo dusi sinaasi la (nadoma la) ti ba tɔɣɛ ba yele Daniel a zuo 7 la nyaa dɛna goo duŋa ayina bɔna Liligere 13:1, 2?
Goo duŋa la n boi Liligere 13 la ka ze’ele bo la na’am ayina ma’a n de wuu Rome tiŋa ge la ze’ele bo la asaala na’am woo.—w22.05-E, gɔn. 9.
To wan eŋɛ la wani pa’alɛ ti to tari suure lua la Naayinɛ tontɔɔ gãkerɛ la?
Nɛra san zɛregɛ tɔ, tue to bii eŋɛ sɛla giisɛ tɔ, to ni ka ita sunsɔa, ugera yɛla ge to ni dekɛ sɛla woo basɛ bo la Yehowa. A wan maalɛ be’em n ta’asɛ yelese’a woo la.—w22.06-E, gɔn. 10-11.
Mabia san zusera zamesegɔ poan, la nari ti a tɛ̃ra la bem?
La ka nari ti to tara zusega kã’ana tansugere la bii to doose zusega poan mɔɔlɛ sɛla bo tansugere la. La ka nari ti to ba’ɛ ‘tɔɣera zɔ’ɔra’ zusega poan, yele yele wuu zamesegɔ pɔsega poan. (Mt. 6:7)—w22.07-E, gɔn. 24-25.
Sodeni poan ti ‘sɛba n tum tuunbe’ero la wan isige ge nyɛ gãkerɛ’? (Yon 5:29)
Ba ka yeti ba nyɛ gãkerɛ la ban yuun vɔi ba vom se’em la zuo. Ba wan gãkɛ ba doose la ba wan ta tara halese’a la sarum seto ba san ta isige ba kum poan.—w22.09, gɔn. 18.
September 1922 laɣesegɔ la poan, J. F. Rutherford yuun bo la bem kã’aŋɔ ti la dɛna pupeelum?
Cedar Point, Ohio, U.S.A. tiŋa laɣesegɔ la poan, a yuun yeti: “Naba la pɔsɛ bisega mɛ! Yamam n de a tuuntuneba. Bala la, mɔɔli ya, mɔɔli ya, mɔɔli ya Naba la, la a Na’am la!”—w22.10, gɔn. 3-5.
Isaiah a zuo 30 pa’alɛ ti sarɔtuni totã poan ti Naayinɛ soŋera tɔ ti to ŋmibera?
Zuo wa pa’alɛ ti (1) a keleseri ge lɛregera to zusega mɛ, (2) pa’ala tɔ (3) kã’ara bɔ’ɔra tɔ nananawa ge me wan kã bo to beere sa’am.—w22.11, gɔn. 9.
Beni n sɔi ti to mina ti sɛla n boi Yooma 37:10, 11, 29 la yuun tum tuuma mɛ daami sa ge wan le tum tuuma beere sa’am?
David yetɔɣum wa pa’alɛ la Solomon bisega saŋa la ti Israeldoma yuun nyɛ kã’a se’em. Yezu yuun dekɛ la kaalegɔ zɛ’an 11 la tɔɣɛ paradiisi yele. Mt. 5:5; Lu. 23:43)—w22.12, gɔn. 8-10, 14.