Baabule Bɔbese’ere N Soŋeri Tɔ Ti To Nyɛta Gulesegɔ Ase’a

New World Translation of the Holy Scriptures la tari la bɔbese’ere n soŋeri tɔ ti to nyɛta gulesegɔ ase’a n pa’alɛ ti Baabule yelesum la kɔ’ɔn makɛ la taaba ge me ni pa’alɛ gulesegɔ ase’a n tɔɣɛ yele kaŋa mea nɔɔ yɛla. Baabule la bɔbese’ere n soŋeri tɔ ti to nyɛta gulesegɔ ase’a la, ba ni gulesɛ la kɔ̃a pika dãalɛ yelesum. La san dɛna la Baabula ti ba printɛ, bisɛ ti ho wan nyɛ kɔ̃a kaŋa mea nɔɔ n boi tiŋasuka la, la gulesegɔ ase’a. JW Library^® app bii jw.org poan, di’e kɔ̃a la ge ho wan nyɛ gulesegɔ ase’a.

Baabule bɔbese’ere n soŋeri tɔ ti to nyɛta gulesegɔ ase’a la, wan soŋɛ tɔ ti to nyɛ yele ana wa la yɛla se’a me.

La wan basɛ ti to nyɛ gulesegɔ ayima n tɔɣɛ yele kaŋa mea nɔɔ. Makerɛ, bisɛ 2 Samuel 24:1 la 1 Yelebiŋ’a 21:1.

La wan basɛ ti to baŋɛ ban tɔɣɛ yelesum la bii yelebire la zɛ’an. Makerɛ, bisɛ Matu 4:4 la Tɛɛnhegɔ 8:3.

La wan basɛ ti to baŋɛ yetɔɣebiŋ’a n tum tuuma se’em. Makerɛ, bisɛ Matu 21:5 la Zekaria 9:9.