Naayinɛ Na’am La Wan Ta Basɛ Ti Nɛra Woo Tara Imma’asum

May 22, 2023 ti Dr. Tedros Adhanom Ghebreyesus n de World Health Organization director-general la yeti, “COVID-19 bã’a la n ka le ba’ɛ wi’ira tingole wa za’a poan la ka pa’alɛ ti bã’a wa kan le daana nɛreba. . . . To mi ti bã’a kayima me ye na n wan ta wi’ira bala mea nɔɔ. La dela to maasum tomea soŋa soŋa gura.”

COVID-19 bã’a la n yuun wi’iri se’em la basɛ ti nɛreba zo’e zo’e kelum namesa mɛ ba innaanɛ poan la ba suuren. Bã’a san le pɔsɛ wi’ira, hon ti’isɛ ti gɔmɛtdoma, la imma’asum yɛla tiga sirum maasum bamea yoi? Ba wan ta’an soŋɛ tɔ, la bãseto n boi daana to wa?

Baabule la pa’alɛ to la gɔmɛt kayima n wan ta basɛ ti to za’a sirum tara imma’asum. La yeti ‘saazuo Naayinɛ la wan sɛ na’am’ bii gɔmɛt. (Daniel 2:44) Naayinɛ Na’am la poan, ‘nɛra ka boi n wan ta yeti: Mam bɛ̃’ɛri mɛ.’ (Isaiah 33:24) Nɛra woo wan ta tara imma’asum la paŋa, wuu ba yuun tari pansɛka ba bunbilipaalemen la.​—Yob 33:25.