Armagedon Wan Pɔsɛ La Israel?—Baabule La Yeti Bem?

Baabule la pa’alɛ ti Armagedon zaberɛ la kan bɔna la zɛ’an kayima ma’a ge la dela tingole wa za’a waabi zaberɛ ti nɛresaaleba gɔmɛt wan zabɛ la Naayinɛ.

‘Kolekpabɛ’ɛsi la tɔɣɛ la yɛla . . . ti la paɛ tinparɛ wa za’a waabi nadoma la zɛ’an, ti ba laɣesɛ ba keŋɛ Naayinɛ n de Paŋa Za’adaana la dabeserɛ kãtɛ la zaberɛ la poan. . . . Ba laɣesɛ ba keŋɛ la zɛsɛka ti ba yi’ira Hebru poan ti Armagedon.’—Liligere 16:14, 16.

Yelebire la n de “Armagedon” la ze’ele la Hebru yetɔɣum poan n de Har Meghid·dohnʹ, ti la vuurɛ dɛna “Megido Zoore.” Megido yuun dela diimi Israel tiŋa ayima. Bala zuo, nɛreba basɛba ti’isɛ ti Armagedon zaberɛ la wan kɔ la Israel. Ge zɛ’an ti ba yi’ira ti Megido la bii tisi n boi Middle East ka ba’ɛ kãregɛ ti ‘tinparɛ wa za’a waabi nadoma’ la ba soogɛpa wan ta’an naɛ taaba zabɛ bim.

Liligere gɔŋɔ la tari la ‘wɔ̃sum yɛla.’ (Liligere 1:1) Armagedon daɣɛ zɛ’an n boi ge la dela ki’i zaberɛ ti tingɔŋɔ wa za’a waabi tisi wan laɣesɛ taaba ti ba zabɛ giisɛ Naayinɛ bisega.—Liligere 19:11-16, 19-21.

Baabule la basɛ ti to tara puti’irɛ ti Naayinɛ kan bo yɔ’ɔ ti tingɔŋɔ wa sa’am. Ho san bɔta ti ho baŋɛ yɛla pa’asɛ, kaalɛ zaseŋɔ yele la zuo n de “Ba Wan Sa’am Tingɔŋɔ Wa?”
Ho san bɔta ti ho zamesɛ yɛla zo’e zo’e baŋɛ Baabule la n tɔɣɛ Armagedon yele se’em, kaalɛ zaseŋɔ yele la zuo n de “Bem N De Armagedon Zaberɛ La?”
Bisɛ Baabule la n pa’alɛ yelese’a n wan eŋɛ ge ti Armagedon pɔsɛ. Kaalɛ zaseŋɔ yele la zuo n de “What Is the Great Tribulation?” (Bem N De Mɛlesekãtɛ La?)
Baabule la puɣum tɔɣɛ yelese’a n iti Israel la yele me yoi? Ho wan nyɛ lebesego la ho san kaalɛ zaseŋɔ yele la zuo n de “Does Bible Prophecy Point to the Modern State of Israel?” (Baabule Yetɔɣebiŋ’a Tɔɣɛ Israel N Ani Se’em Zina Beere Wa Yele Mɛ?)