Bani N Wan Keŋɛ Hell?

Baabule la lebesego

Hell (ban gulesɛ Baabule la yetɔɣese’a poan la, la dela “Sheol” la “Hades”) dela yɔɔ ge daɣɛ zɛ’an ti ba tara bugum mɛlesa nɛreba. Bani n wan keŋɛ hell? Nɛresondoma la nɛrebɛ’ɛsi. (Yob 14:13; Yooma 9:​17) Baabule la yeti nɛresaaleba yɔɔ wa dela ‘zɛ’an ti sɛba n vɔi woo wan laɣesɛ.’​​—⁠Yob 30:23.

Hali, Yezu yuun keŋɛ hell mɛ eŋa n yuun ki la. Ge ‘a yuun ka yee hell poan’ se’ere n sɔi la Naayinɛ yuun isige en kum poan mɛ.​​—⁠Tooma 2:​31, 32, The Bible in Basic English.

Hell wan bɔna wuusa?

Yezu wan dekɛ Naayinɛ paŋa isige sɛba woo n ki bɔna hell la. (Yon 5:28, 29; Tooma 24:15) Yetɔɣebiŋere la n boi Liligere 20:13 la tɔɣɛ beere sa’am kum isigere wa yele yeti, ‘kum la hell wan dekɛ ba ki’indoma tisɛ na.’ (King James Version) Hell san ta dɛna voore, ku kan le bɔna; nɛra kan le keŋɛ bim se’ere n sɔi la, ‘kum kan le bɔna.’​​—⁠Liligere 21:​3, 4; 20:14.

Ge la daɣɛ nɛra woo n ni ki keŋɛ hell. Baabule la pa’alɛ ti nɛreba basɛba tum la putotuuma ba’ɛ gaŋɛ ti ba kan ta’an tee. (Hebru 10:26, 27) Nɛrebama san ki ba ka ye hell ge ba tuɣum yɛ’ɛsa la Gehena, ti la pa’alɛ ti ba wan sa’am ba ti ba kan makɛ le bɔna. (Matu 5:​29, 30) Makerɛ, Yezu yuun pa’alɛ ti pumpɔreŋɔ pu’usegɔ nɛŋadoma basɛba n yuun boi a saŋa la wan keŋɛ Gehena.​​—⁠Matu 23:27-​33.