BAABULE KAALEGƆ ZƐ’ƐSI VUURƐ
Pin’ileŋɔ 1:26—“Basɛ Ti To Naam Asaala To Wɔ̃nɛ Poan”
“Ti Naayinɛ yeti: ‘Basɛ ti to naam asaala to wɔ̃nɛ poan ti ba wɔ̃na tɔ ge basɛ ti ba sɔna zim la n boi ateko la poan la bun-ɛ̃ɣedoma n ɛ̃ɣeri saazuo la yire dusi la tingɔŋɔ la za’a la dusi woo n vuuri tingɔŋɔ la zuo.’”—Pin’ileŋɔ 1:26, New World Translation.
“Ti Naayinɛ yeti: ‘Basɛ ti to naam asaala ti a ana wuu tomam la. Ba wɔna la tomam: ge basɛ ti ba sɔna zim la n boi ateko la poan la niisi n ɛ̃ɣeri saazuo la dusi la tingɔŋɔ la za’a la dusi woo n vuuri tingɔŋɔ la zuo.’”—Pin’ileŋɔ 1:26, King James Version.
Pin’ileŋɔ 1:26 Vuurɛ
Naayinɛ naam asaaleba ti ba ana wuu eŋa la ti la pa’alɛ ti ba wan ta’an tara halese’a ti Naayinɛ tara la n de wuu nɔŋerɛ, giile la tontɔɔ tuuma. Bala n sɔi ti asaaleba wan ta’an tɔɣesa Naayinɛ hala la.
“Ti Naayinɛ yeti: ‘Basɛ ti to naam asaala to wɔ̃nɛ poan.’” Ge ti Yehowaa nyaa maalɛ sɛla woo la, a yuun naam la bunvɔa n tari paŋa dɛna maleka ti pooren ba yuun yi’iri en Yezu la. A yuun doose la Yezu poan, ‘naam sɛla woo n boi saazuo la tingɔŋɔ wa zuo.’ (Kolose 1:16) Yezu tɔɣeseri la Yehowa hala—‘a dela Naayinɛ ti to ka nyɛta la wɔ̃nɛ.’ (Kolose 1:15) Bala la, la kɔ’ɔn makɛ mɛ la Naayinɛ n yuun yele Yezu yeti: ‘Basɛ ti to naam asaala to wɔ̃nɛ poan.’
“Basɛ ti ba sɔna . . . yire dusi la tingɔŋɔ la za’a.” Naayinɛ ka naam dusi ti ba wɔ̃na la en. A yuun ka naam ba ti ba tara halese’a ti nɛreba tara la, maɣesɛ wuu nɔŋerɛ la putɛkeeŋa. Ge la bala za’a la, Naayinɛ kɔ’ɔn fabela dusi yele mɛ. Bala n sɔi ti a yuun yele asaaleba ti ba ‘sɔna’ dusi la bisera. Yele wa vuurɛ ta’an dɛna ti ba ‘bisera’ (New International Version) bii ba ‘sɔna’ (Common English Bible) ba. Yehowa yuun bo asaaleba la tuunɛ ti ba bisera dusi la soŋa soŋa. (Yooma 8:6-8; Magaha 12:10) Bala la, Yehowa boti asaaleba bisera tingɔŋɔ la soŋa soŋa la bunvɔa woo n boi ka poan.
Pin’ileŋɔ 1:26 Yelesum
Pin’ileŋɔ a zuo buyina la buyi la pa’alɛ la ban naam saazuo la tingɔŋɔ wa la bunvɔɔsi n boi tingɔŋɔ wa poan se’em. Sɛla woo ti Yehowa naam la dela yelekiriga ge eŋa n naam asaaleba la dela yelekiriga gana za’a ti a naam tingɔŋɔ wa zuo. Naayinɛ n yuun naam sɛla woo ba’asɛ la, a ‘yuun bisɛ sɛla woo ti a maalɛ la ti la ani soŋa.’—Pin’ileŋɔ 1:31.
Bisɛ vidiyo gi’a wa ge zamesɛ Pin’ileŋɔ gɔŋɔ la n tɔɣɛ naaŋɔ yɛla se’em pa’asɛ.
Nɛreba N Ti’isɛ Se’em La Pin’ileŋɔ 1:26
Nɛreba N Ti’isɛ Se’em: Buraasi ma’a n wan ta’an tɔɣesa Naayinɛ ge tara a hala la.
Yelemɛŋɛrɛ: Yelebire la n de ‘buraa’ n boi Solemiine Baabula zo’e zo’e poan la ta’an basɛ ti se’em n kaali la ti’isa ti ba tɔɣeri la buraasi ma’a yele. Ge gulesegɔ wa poan, Hebru yelebire la ze’ele bo la asaaleba woo. Buraasi la pɔɣesi za’a wan ta’an tara Naayinɛ hala la. Ba za’a waabi tari yɔ’ɔ mɛ ti ba pu’usa Naayinɛ ge me tara vom sebo n ka tari ba’asegɔ la.—Yon 3:16.
Nɛreba N Ti’isɛ Se’em: Naayinɛ tari la inya n ani wuu tomam denɛ la.
Yelemɛŋɛrɛ: ‘Naayinɛ dela Vo’osum’—bala vuurɛ dela to ka nyɛti en la to nini. (Yon 4:24) La boi bim ti saŋa ase’a Baabule la ni tɔɣera la Naayinɛ nɛŋa, a nu’usi, a suure la yɛla ase’a ge yele ana wa dela sɛla n pa’ali tɔ ti to bɔkera Naayinɛ n ani se’em.—Yɛhega 15:6; 1 Peter 3:12.
Nɛreba N Ti’isɛ Se’em: Pin’ileŋɔ 1:26 pa’alɛ ti Yezu dela Naayinɛ.
Yelemɛŋɛrɛ: Naayinɛ la Yezu bɔŋa la dela sɔ la bia n tari bɔnsoŋa se’em ge ba daɣɛ nɛreyiŋa. Yezu yuun pa’alɛ ti Naayinɛ gani eŋa mɛ. (Yon 14:28) Ho san bɔta ti ho baŋɛ yɛla pa’asɛ, bisɛ vidiyo la zuo n de Yezu Krista Dela Naayinɛ? bii kaalɛ zaseŋɔ yele la zuo n de “Bem Zuo Ti Ba Yi’ira Yezu Naayinɛ Dayɔa?”
Bisɛ vidiyo gi’a wa nyɛ Pin’ileŋɔ gɔŋɔ la yelekpina.
a Yehowa dela Naayinɛ yumɛŋɛrɛ. (Yooma 83:18) Bisɛ zaseŋɔ yele la zuo n de “Ani N De Yehowa?”