Dekɛ “An Introduction to God’s Word”—Pɔsɛ Sɔsega
1. To nyɛ la bem ti to wan ta’an dekɛ tum tuuma na’am mɔɔlegɔ poan?
1 New World Translation la ti ba malum gulesɛ la, ku pɔsega la tari la “An Introduction to God’s Word.” To wan dekɛ bɔberɛ wa tum tuuma la wani to san maasena ti to keŋɛ na’am mɔɔlegɔ? Bɔberɛ wa tari la sokere la Baabule kaalegɔ zɛ’ɛsi n ani wuu Reasoning gɔŋɔ la, ti to wan ta’an dekɛ pɔsɛ sɔsega.
2. To wan ta’an dekɛ “An Introduction to God’s Word” tum tuuma la wani na’am mɔɔlegɔ poan?
2 Ho ta’an loe sokere 8 ge yeti: “Tomam sɔseri mɛ la nɛra woo gingilega wa poan sɛla n sɔi la, nɛreba zo’e zo’e boti ba baŋɛ mɛ nyaa ‘Naayinɛ N Basɛ Ti Asaala Namesa?’ [Tisi a se’a poan, la ani soŋa ti ho dekɛ sokere la pa’alɛ nɛra la.] Hon puti’irɛ dela deni? [Gura ti a lebese.] Baabule la lebese sokere wa mɛ.” Kaalɛ Baabule zɛ’an bii zɛ’ɛsi a se’a ge pa’alɛ en ti a bɔkɛ. Nɛra la san bɔta yele la, ho ta’an basɛ ti a bisɛ sokere 20 la za’a ge loe soke se’ere ti a bɔta ti ho san lebena ya sɔsɛ. Ho ta’an le dekɛ gɔnseko n tɔɣeri yele la bo en.
3. To wan dekɛ “An Introduction to God’s Word” eŋɛ la wani sɔsɛ la nɛresɛba n daɣɛ Kristadoma?
3 Sokere 4 la 13 ta paɛ 17 wan soŋɛ hɔ ti ho ta’an sɔsɛ la nɛresɛba n daɣɛ Kristadoma. Ho ta’an dekɛ sɛla n boi sokere 17 la ge yeti: “To eeri la nɛra woo yire sɔsera. Hon sakɛ ti daaŋɔ paari deodoma zina beere wa? [Gura ti a lebese.] Nɛreba la ba pɔɣeba sakɛ ti Baabule yelesum wa dela sira: ‘Ti pɔka woo na’asa a sira.’ [La ka nari ti ho yele en ti la boi la Epesus 5:33. Hon la pɔka san sɔsera, ho ta’an tɔɣɛ sɛla n boi Epesus 5:28.] Hon ti’isɛ ti to san dekɛ ka’aŋɔ wa tum tuuma pɔɣedire poan, to wan nyɛ nyuurɔ?”
4. Beni ti ho wan yele ho san sɔsɛ la nɛra n daɣɛ Kristabia ba’asɛ?
4 Ya san sɔsɛ ba’asɛ, yele en daanse’ere daarɛ ti ho wan lebena ti ya tɔ̃kɛ sɔsega la. Ho ta’an maasum ge lebe ta kaalɛ Baabule kaalegɔ zɛ’ɛsi la ayima n boi sokere la poan ti ya sɔsɛ la. Ho san bisɛ daanse’ere ti la nari, basɛ ti nɛra la baŋɛ ti sɛla ti hon la eŋa ni sɔsera la boi la Baabule la poan. Ho san bisɛ ya sɔsega la n keni se’em, la eŋa n geele Baabule la se’em la ho ta’an dekɛ gɔnseko ti ho bisɛ ti la wan soŋɛ en bo en.—Bisɛ sɛla n boi December 2013 To Na’am Tuuma la poan.