‘Walk by Faith, Not by Sight’
La yuun gee fii la Yerusalem nyɛ sa’aŋɔ la, tuntuna Paul yuun gulesɛ bo Kristakɔma ti bamam n de Krista soogɛpa la, la nari ti ba mina ti namesegɔ wan paɛ ba ge ba da basɛ ti ma ma bɔŋa yele pakɛ ba, ba vom poan. (2 Tim. 2:3, 4) To mi ti la kan yue ge ti sa’aŋɔ wa’an teŋgɔŋɔ wa zuo na la, la nari ti to basɛ ti to sakerɛ kpe’em kɔ’ɔn bisa vo’osum yɛla. (2 Kor. 4:18; 5:7) Bisɛ ‘Walk by Faith, Not by Sight’ vidiyo la. (Keŋɛ jw.org ta bisɛ PUBLICATIONS > VIDEOS.) Bisɛ Naham la Abital n yuun ki innaanɛ lɔɣɔrɔ zuo yele se’em. Ya san bisɛ ba’asɛ, soke soke ana wa.
(1) Bem n yuun de “sɛla n tare sagaŋɔ kena na ze’a toolom zen’an la” la ti yuun kɔbesɛka n deŋɛ nɛŋa. Ge Kristakɔma n boi Yerusalem teŋa la yuun nari ti ba eŋɛ? (Matu 24:15, 16) (2) Bem zuo ti la yuun nara ti nɛra tara sakerɛ ta’an zɔ yese teŋa la poan? (3) Bem n yuun nari ti ba ŋmibe dekɛ basɛ ta’an zɔ? (4) Bem n yuun sɔi ti Naham la Abital gu’una? (Matu 24:17, 18) (5) Bem gurebisɛ n yuun le paɛ Arakel sansɛka ti a yuun yɛsera Yerusalem la? (Matu 10:34-37; Mark 10:29, 30) (6) Sore kani poan ti Ethan eŋɛ makesonɛ pa’alɛ ti eŋa dekɛ a mea delum Yehowa ge tara sakerɛ a poan? (7) Bem namesegɔ ti Kristakɔma yuun tu’usɛ Pella teŋa poan? (8) Naham la Abital sakerɛ yuun ta ma’ɛ la wani? (9) Yehowa yuun bisɛ Kristakɔma n boi Pella teŋa poan la wani? (Matu 6:33; 1 Tim. 6:6-8) (10) To wan tɔɣesɛ Abraham la Sarah la wani to boi teŋgɔŋɔ wa n pɔ̃ri ba’asegɔ wa? (Heb. 11:8-10) (11) Beni n sɔi ti Naham la Abital yuun sakɛ lebe Yerusalem ge ba yuun tue la wani? (Luke 21:21) (12) Bɔŋa la yuun ani la wani sansɛka ti Naham la Abital yuun lebe Yerusalem la? (13) Beni n sɔi ti la nara ti to basɛ to sakerɛ kpe’em nananawa—gura teŋa ba’asegɔ la?—Luke 17:31, 32; 21:34-36.
To tara sakerɛ kena vuurɛ dela to (1) dɔla Yehowa pa’alegɔ, (2) basɛ ti a pa’alegɔ la gu’ura tɔ la (3) eŋɛ pa’alɛ ti to boti vo’osum poan yɛla gana innaanɛ lɔɣɔrɔ. Basɛ ya ti to kɔ’ɛ to puti’irɛ ti, to wan tara la sakerɛ kena ge mina ti “teŋa wa, la sɛla woo n boe ka poan te nɛreba nɔŋɛ la wan tole ge se’em n ete sɛla te [Naayinɛ] bɔta kɔ’ɔn bɔna mɛ wuuha.”—1 Yon 2:17.