Tara Maɣesa Pa’ala

Matu 13:34, 35

YELEKPINE: Tara maɣesa n ani naana pa’ala ge basɛ ti ho kɛleseriba la bɔkera nimɔ’ɔrɛ yɛla la soŋa soŋa.

HON WAN EŊƐ DE SE’EM:

• Tara maɣesa n ani naana pa’ala. Wuu Yezu la, dekɛ yelepiɣesi tɔɣɛ pa’alɛ yelekara vuurɛ ge dekɛ yelese’a n de naana tɔɣɛ pa’alɛ yelese’a n kpe’em. Da ba’a tɔɣera yelepiɣesi yɛla ti la burum ho makerɛ la. Bisɛ soŋa ti ho makerɛ la n tɔɣeri yelese’a la sirum pa’ali la hon tɔɣeri sɛla la vuurɛ la wan eŋɛ se’em ti ba kan ana bura la hon yeti sɛla la.

• Ti’isɛ bisɛ sɛla n wan soŋɛ ho kɛleseriba la. Dekɛ maɣesa se’a n makɛ la ho kɛleseriba la, la yelese’a ti ba bɔta. Bisɛ homea soŋa ti ho da bɔ’ɔra maɣesa n wan nyiisa kɛleseriba sunsua bii diisi ba vi.

• Pa’alɛ yelezure la vuurɛ. Ti’isɛ hon wan bo makerɛ se’em ti yelezura la niɛ peelum ge yelepiɣesi la yɛla ka pakɛ. Bisɛ soŋa ti se’em n keleseri ho la yeen kan tɛra la makerɛ la ma’a ge a tɛra makerɛ la vuurɛ n de sɛla.