ZASEŊƆ 58

Kɔ’ɔn Tara Yelemɛŋɛrɛ Bɔ’ɔra Yehowa

Gɔnseko Ti Ba Printɛ

Yelemɛŋɛrɛ Kristakɔma kɔ’ɔn kɔ’ɛ la ba puti’irɛ ti ba kan basɛ ti sɛla bii nɛra sa’am bamam n pu’useri Yehowa se’em la. Nɔkpe’ene kai ti hon me kɔ’ɛ ho puti’irɛ la bala. Yehowa puurɛ pee mɛ la hon tari yelemɛŋɛrɛ la. (Kaalɛ 1 Yelebiŋ’a 28:9.) Bem yɛla n wan ta’an basɛ ti la kpe’em bo ho ti ho tara yelemɛŋɛrɛ bɔ’ɔra en ge bem n wan ta’an soŋɛ hɔ ti ho kelum tara ho yelemɛŋɛrɛ la?

1. Gurebisɛ wan ta’an paɛ to la wani la to tari yelemɛŋɛrɛ bɔ’ɔra Yehowa la?

Nɛreba basɛba wan bɔta ti ba gu to ti to kan pu’usa Yehowa. Nɛrebani n bala? Nɛreba basɛba n basɛ tansugere la tari la pumpɔreŋɔ yɛla parena bɔ’ɔra tigere la ti ba sa’am to sakerɛ la. Ba yi’iri ba la a yelege n meadoma. Leyɛ’ɛsa, pu’usegɔ nɛŋadoma basɛba pareni la yɛla bɔ’ɔra tɔ ti ba basɛ ti sɛba n ka biseri bamesi soŋa la basɛ yelemɛŋɛrɛ la. La wan dɛna dɛŋa bo to, to san ŋmɛ’ɛra nɔkpe’ene la ba, kaala ba gɔnɔ, kɛ̃’ɛra ba intanɛt tuuma zɛ’ɛsi bii bisera ba vidiyodoma. Sɛba n boti ba kɔ’ɔsɛ nɛreba giila ti ba da pu’usa Yehowa la yelemɛŋɛrɛ la, Yezu yuun tɔɣɛ ba yele yeti: “Basɛ ya ba. Ba dela pa’alegɔdoma n fɔ. Fɔa san vɛɛra fɔa ba za’a wan lui boko poan.”—Matu 15:14.

2. Bem yɛla poan ti la wan ta’an kpe’em bo to ti to tara yelemɛŋɛrɛ bɔ’ɔra Yehowa?

To tari nɔŋerɛ bɔ’ɔra Yehowa la wan soŋɛ tɔ ti to kan dekɛ tomesi laɣena la pumpɔreŋɔ pu’usegɔdoma. Bala la, to tuuma bii tigere se’a ti to bɔna bim la yelese’a ti to ita ka nari ti la tara sɛla ita la pumpɔreŋɔ pu’usegɔ. Yehowa kaɣɛ tɔ ti: “Mam nɛreba wa, yese ya [Babilon Kãtɛ La]” poan.—Liligere 18:2, 4.

VIISƐ PA’ASƐ

Bisɛ hon wan eŋɛ se’em kan basɛ ti nɛra sa’am yelemɛŋɛrɛ la ti ho tara bɔ’ɔra Yehowa la. Leyɛ’ɛsa, bisɛ hon wan eŋɛ se’em ta’an yese homea Babilon Kãtɛ La yɛla poan ti la pa’alɛ ti ho tari yelemɛŋɛrɛ.

3. Bisɛ homea soŋa la pumpɔreŋɔ pa’alegɔdoma

To san wum ti nɛra parum pumpɔreŋɔ bo Yehowa tigere la, to wan eŋɛ la wani? Kaalɛ Magaha 14:15 ge nyaa sɔsɛ sokere wa:

Beni n sɔi ti yɛm bɔna bim ti to da sakera sɛla woo ti to wuna?

Kaalɛ 2 Yon 9-11 ge nyaa sɔsɛ sokere ana wa:

To nari ti to geele a yelege n meadoma la wani?
To san puɣum ka sɔsera la a yelege n meadoma wa, la wan ta’an kelum eŋɛ la wani ti to kɛlesa ba pa’alegɔ?
Hon ti’isɛ ti la wan ana Yehowa la wani a san nyɛ ti to keleseri la ba pareni yelese’a bɔ’ɔra eŋa la a tigere la?

4. Kelum tara yelemɛŋɛrɛ bɔ’ɔra Naayinɛ ho mabia san tum be’em

To san ta baŋɛ ti mabia n tum be’em, to nari ti to eŋɛ la bem? Bisɛ naresum yelese’ere n boi Naayinɛ Lɔɔ la poan ti a yuun dekɛ bo diimi Israeldoma la. Kaalɛ Malema 5:1.

Wuu gulesegɔ la n pa’alɛ se’em la, to san baŋɛ ti nɛra n tum be’em, la nari ti to yele keendoma la to mi sɛla de poan. Ge ti to nyaŋɛ eŋɛ bala la, la wan ana soŋa ti to yele be’emdaana la ti a keŋɛ ta yele keendoma la. A san zaɣesɛ ti a eŋɛ bala, to tari yelemɛŋɛrɛ bɔ’ɔra Yehowa la wan basɛ ti to yele keendoma la to mi sɛla de poan. Sore kani poan ti wana wa eŋɛ pa’alɛ ti to tari yelemɛŋɛrɛ nɔŋerɛ bɔ’ɔra . . .

Yehowa Naayinɛ?
nɛresɛka n tum be’em la?
nɛresɛba n boi tansugere la poan la?

Fɔɔra: Mabia n soŋeri a mabia n eŋɛ sɛla n ka ani soŋa. 1. Mabia la nyɛ la sɛla n ka ani soŋa a fon poan ti la daam en. 2. Mabia la dekɛ la sɛla n boi a fon la poan la pa’ala a mabia tadaana, ti a mabia tadaana la zaɣesɛ a soŋerɛ la. 3. Mabia la dekɛ la sɛla n boi a fon la poan la pa’ala keendoma bayi ge tɔɣera la ba. — Yele san paɛ mabia, soŋɛ en!

5. Yese homea Babilon Kãtɛ La poan

Ŋmɛ VIDIYO la.

VIDIYO: Yese Homea Babilon Kãtɛ La Poan! (5:06)

‘Yese Homea Babilon Kãtɛ La Poan!’ vidiyo la yɛla ase’a. Baabule zamesegɔdaana n zaɣesɛ tuunɛ ti faara dekɛ bo en a church poan.

Kaalɛ Luke 4:8 la Liligere 18:4, 5 ge nyaa sɔsɛ sokere ana wa:

Mam yu’urɛ kelum bɔna pumpɔreŋɔ pu’usegɔdoma gɔnɔ poan?
Mam pa’asɛ la tigere sɛka n laɣum naɛ la pumpɔreŋɔ pu’usegɔ tuna?
Mam tuuma la laɣum soŋera pumpɔreŋɔ pu’usegɔdoma mɛ?
Pumpɔreŋɔ pu’usegɔ yɛla ase’a kelum bɔna mam vom poan ti la nara ti n yese n mea?
Sokere ana lebesego san dɛna ɛɛ, bem teere ti la nara ti n eŋɛ?

Saŋa woo, ni kɔ’ɛ ho puti’irɛ eŋɛ sɛla n wan basɛ ti ho putɛkeeŋa la ana fai ti la pa’alɛ ti ho tari yelemɛŋɛrɛ bɔ’ɔra Yehowa.

Mabipɔka la a bia n ze’ele sitɔɔ poan yɛsera na. Ba ye tɔla mɛ ge nyɛ pɔka n boi bim zusera ligeri ti a tum pu’usegɔ tuuma. — Hon wan eŋɛ la wani pu’usegɔdoma san yeti ho dekɛ ligeri soŋɛ ba?

NƐREBA BASƐBA YETI: “La nari ti n baŋɛ a yelege n meadoma n tɔɣɛri Yehowa Sɛɛradoma yele se’em, la wan eŋɛ se’em ti n ta’an tɔɣɛ po’e yelemɛŋɛrɛ la.”

Yɛm boi bim? Bem zuo?

YELEKPINE

To san bɔta ti to tara yelemɛŋɛrɛ bɔ’ɔra Yehowa, la nari ti to gu tomesi la sɛba n boti ba pãʼasɛ tɔ.

Tiisegɔ Sokere

Beni n sɔi ti to ka nara ti to kɛlesa a yelege n meadoma yɛla?
To san wum ti mabia n tum beʼem, la nari ti to eŋɛ la bem?
To wan dekɛ Baabule la n ka’am tɔ ti to zɔ yese pumpɔreŋɔ pu’usegɔ poan la tum tuuma la wani?

To zamesɛ ba’asɛ la:

Mam Boti N Eŋɛ Sɛla

Ho san laɣum bɔna pumpɔreŋɔ pu’usegɔ yɛla ase’a poan, yese homea.

Ase’a:

Your other goal

Ɛ BISƐ

Zamesɛ baŋɛ hon wan ta’an eŋɛ se’em nɛreba san parena pumpɔreŋɔ yɛla bɔ’ɔra Yehowa Sɛɛradoma.

“Hon Mi Yɛla La Za’a?” (The Watchtower, August 2018)

Hon wan eŋɛ la wani baŋɛ tigere se’a bii tuunse’a n soŋeri Babilon Kãtɛ La?

“Kɔ’ɔn Mu’ɛ Nini Tuna ‘Ba’asegɔ Dabesa La’ Ba’asegɔ Wa Poan” (The Watchtower, October 2019, gɔnlaɣesi 16-18)

To dinedoma eŋɛ la bem ti ba sa’am to sakerɛ la?

Bisɛ Homea Soŋa La Pumpɔreŋɔ Yɛla (9:32)

Kaalɛ baŋɛ Shinto pu’usegɔ nɛŋadaana ayima n daa eŋɛ se’em basɛ a pumpɔreŋɔ pu’usegɔ n boi zi’irego poan yele la n de “Mam Yuun Kɔ’ɔn Ɛɛra Ti N Baŋɛ Naayinɛ Mɛ N Bunbilimen Poan Na” la.

“Baabule La Teeri Nɛreba Vom Mɛ” (The Watchtower, July 1, 2011)