ƐƐRA PODƆLEBA
ZASEŊƆ 10
Mu’ɛ Nini Tuna
Naresum Yele: ‘To daa ka eŋɛ to puti’irɛ ti to mɔɔlɛ Naayinɛ yelesoma la ma’a bo ya ge to daa laɣum maasum mɛ ti to dekɛ to vom tisɛ ya zuo. Se’ere n sɔi la, to daa nɔŋɛ ya mɛ.’—1 Tes. 2:8.
Yezu N Yuun Eŋɛ De Se’em
1. Bisɛ VIDIYO la bii kaalɛ Yon 3:1, 2 ge nyaa geele soke ana wa:
Hon ti’isɛ ti beni n sɔi ti Nikodemus yuun keŋɛ Yezu zɛ’an yu’uŋɔ?—Bisɛ Yon 12:42, 43.
Sodeni poan ti Yezu n yuun sɔsɛ la Nikodemus yu’uŋɔ la pa’alɛ ti Yezu yuun mu’ɛ la nini ɛɛra podɔleba?
To Zamesɛ La Bem Yezu Zɛ’an?
2. Ton nɔŋɛ nɛreba la zuo, to kɔ’ɔn lu la to suure ti to soŋɛ ba ti ba dɛna podɔleba.
Tɔɣesa Yezu
3. Tiregɛ zamesa ho Baabule zamesegɔdaana la sansɛka la zɛsɛka n makɛ bo en. A ta’an loe dabeserɛ bii sansɛka ti a bɔta ti ya zamesɛ. A ta’an bɔta ti ya zamesa la bɛ? A tuuma zɛ’an, a yire bii zɛ’an ti nɛreba bɔna? La san wan ta’an eŋɛ, tiregɛ zamesɛ la en zɛsɛka la sansɛka n wan makɛ bo en.
4. Zamesa La Nɛra La Saŋa Woo. Ho san kan bɔna, te’ele eŋɛ maaseŋɔ. Geele soke ana wa:
a. Ho wan ta’an tee dabeserɛ bakwai la poan ti ya zamesɛ?
b. Ho wan ta’an zamesɛ la en fon bii videoconferencing poan?
d. Ho wan ta’an yele mabia ayima ti a zamesɛ la nɛra la?
5. Zusɛ Naayinɛ ti a bo ho putɛsonɛ. Hali ho zamesegɔdaana la san ka basɛ ti ya zamesa saŋa woo bii a ka tari eŋa n zameseri sɛla la tuna tuuma soŋa soŋa, zusɛ Yehowa ti a soŋɛ hɔ ti ho da gɛ̃ basɛ. (Flp. 2:13) Daanse’ere ho Baabule zamesegɔdaana la tari halesoma zo’e zo’e mɛ. Zusɛ Yehowa ti a soŋɛ hɔ ti ho ti’isa ho zamesegɔdaana la halesoma yele.