ZASEŊƆ 52
Sɛla N Sɔi Ti To Lɔɣɔrɔ Yɛa La To Maali Tomesi Se’em Yele Pakɛ
Nɛra woo lɔɣɔrɔ yɛa la eŋa n maali amea se’em boi la to’ore to’ore. To san dɔla Baabule naresum yɛla, to kan yeen maala tomesi ti la ana soŋa ma’a ge la me wan pee Yehowa puurɛ. Basɛ ya ti to bisɛ naresum yɛla wa.
1. Bem naresum yɛla n nari ti la soŋɛ tɔ to lɔɣɔrɔ yɛa poan la to maali tomesi se’em?
To nari ti to yɛɛra “lɔɣɔrɔ ti la nara, tara sirege n mea la putɛsonɛ” ge me maala tomesi soŋa ti la pa’alɛ ti to “pu’useri Naayinɛ.” (1 Timoti 2:9, 10) Geele naresum yɛla anaasi wa bisɛ: (1) To lɔɣɔrɔ la sonti la “nara” mɛ. Wuu hon nyɛti sɛla tansugere zamesegɔ poan se’em la, Yehowa nɛreba n yɛɛri ba lɔɣɔrɔ se’em la boi la to’ore to’ore ge to lɔɣɔrɔ yɛa la to maali to zuto se’em pa’alɛ ti to tari la gilema bɔ’ɔra Naayinɛ la ti to pu’usa la. (2) To yɛɛri lɔɣɔrɔ la “sirege n mea” vuurɛ dela, to kan yɛɛra lɔɣɔrɔ n weele to inya bii pa’ala tomesi. (3) To yɛɛri to lɔɣɔrɔ la “putɛsonɛ” vuurɛ dela, to kan yɛɛra to lɔɣɔrɔ bii maala tomesi ti la kɔ’ɔn dɔla tingɔŋɔ la nɛreba n teeri ba yɛla se’em la. (4) To maali tomesi se’em la nari ti la pa’alɛ ti to ‘pu’useri la Naayinɛ’ ti nɛreba baŋɛ ti to sirum pu’useri la yelemɛŋɛrɛ Naayinɛ la.—1 Korint 10:31.
2. To maali tomesi se’em ta’an ana to mabiisi la wani?
La boi bim ti to ta’an yɛ lɔɣɔse’a ti to bɔta ge la nari ti to tɛra ti to maali tomesi se’em la ta’an daam nɛreba. To mɔɔri mɛ ti to maala tomesi ti la da daam nɛreba ge la tuɣum “pee [to] tadaana puurɛ ti la soŋɛ en ge kpemese a giila.”—Kaalɛ Arom 15:1, 2.
3. Sore kani poan ti to maali tomesi se’em la wan ta’an basɛ ti nɛreba bɔta yelemɛŋɛrɛ pu’usegɔ?
To ni yɛɛra la lɔɣɔrɔ n nari saŋa woo poan ge to ni malum bisɛ to yɛɛri to lɔɣɔrɔ se’em mɛ se’em ma’a ti to kena tansugere zamesegɔ bii bɔna na’am mɔɔlegɔ tuuma la poan. To ka boti to yɛɛri to lɔɣɔrɔ se’em la sa’am nɛreba puti’ira la ninmɔ’ɔrɛ yetɔɣum la ti to tɔɣera bɔ’ɔra ba la. To tuɣum maala tomesi se’em la ta’an basɛ ti nɛreba bɔta yelemɛŋɛrɛ la ge “ti Naayinɛ to Fãara la pa’alegɔ ta’an tara ninpiilum.”—Titus 2:10.
VIISƐ PA’ASƐ
Geele bisɛ to wan eŋɛ se’em ta’an basɛ ti to lɔɣɔrɔ yɛa la to maali tomesi se’em sirum pa’alɛ ti to dela Kristakɔma.
To maali tomesi se’em ta’an pa’alɛ nyaa to bo’ori kpɛ’ɛndoma gilema. Yehowa nyɛti la suure la poan ge to maali tomesi se’em la nari ti la bɔ’ɔra en gilema
4. To san maala tomesi soŋa soŋa, la tari la gilema bɔ’ɔra Yehowa
Ninmɔ’ɔrɛ yele deni n sɔi ti la nara ti to maala tomesi soŋa? Kaalɛ Yooma 47:2 ge nyaa sɔsɛ sokere ana wa:
Sore kani poan ti to lɔɣɔrɔ yɛa wan niɛ peelum pa’alɛ ti to dela Yehowa nɛreba?
Hon ti’isɛ ti la yele pakɛ mɛ la to maali tomesi se’em to san yɛ’ɛsa tansugere zamesegɔ la na’am mɔɔlegɔ? Bem zuo?
5. To wan eŋɛ se’em ta’an loe loesonɛ to lɔɣɔrɔ yɛa la to maali tomesi se’em
To yeen bɔna zɛsɛka woo, la nari ti to lɔɣɔrɔ la ti to yɛ la nara, ana filam ge makɛ ma’a, ba eŋɛ ligeri bii ba ka eŋɛ ligeri woo. Kaalɛ 1 Korint 10:24 la 1 Timoti 2:9, 10 ge nyaa sɔsɛ ya sɛla n sɔi ti to kan yɛɛra lɔɣɔrɔ n . . .
dɛɣɛ bii to yeen pa fusɛka deene.
mɔbegeri tɔ, ana yili yili bii yɛɛla to inya.
La boi bim ti Kristakɔma ka doli Moses Lɔɔ la ge Lɔɔ la pa’alɛ la Yehowa n boti sɛla. Kaalɛ Tɛɛnhegɔ 22:5 ge nyaa sɔsɛ sokere wa:
Beni n sɔi ti la ka nara ti to yɛɛra lɔɣɔrɔ ge maala tomesi ti la basɛ ti to dɛna buraa ge ana wuu pɔka bii to dɛna pɔka ge ana wuu buraa?
Kaalɛ 1 Korint 10:32, 33 la 1 Yon 2:15, 16 ge nyaa sɔsɛ sokere ana wa:
Beni n sɔi ti la nara ti to bisɛ ti to yɛɛri to lɔɣɔrɔ se’em la da daam nɛreba bii to mabiisi?
Hon kɛ̃’ɛri zɛ’an la, nɛreba yɛɛri ba lɔɣɔrɔ ge maala bamesi la wani?
Hon ti’isɛ ti lɔɣɔrɔ yɛa sitai ase’a ta’an kan nara bɔ’ɔra Kristabia? Bem zuo?
To ta’an yɛɛra to lɔɣɔrɔ ge maala tomesi sarɔtɔ zo’e zo’e poan ge ti Yehowa puurɛ kelum pee
NƐREBA BASƐBA YETI: “Mam tari sore ti n yɛɛra mam boti sɛla.”
Hon sakɛ ba yele sɛla wa? Bem zuo?
YELEKPINE
To san kɔ’ɛ to puti’ira maala tomesi soŋa, to ni eŋɛ pa’alɛ ti to tari gilema bɔ’ɔra Yehowa la nɛreba mɛ.
Tiisegɔ Sokere
Beni n sɔi ti to yɛɛri to lɔɣɔrɔ ge maala tomesi se’em la yele pakɛ Yehowa?
Naresum yele ani n wan soŋɛ tɔ to san yeti to maalɛ tomesi?
To maali tomesi se’em la wan ta’an basɛ ti nɛreba geele yelemɛŋɛrɛ pu’usegɔ la wani?
Ɛ BISƐ
Bisɛ ho lɔɣɔrɔ yɛa n wan ta’an basɛ ti nɛreba geele ho se’em.
Zamesɛ baŋɛ sɛla n sɔi ti yɛm bɔna bim ti ho ti’isɛ bisɛ, ho ŋmɛ kɛkɛ kɛkɛ eŋɛ ho inya bii ho da ŋmɛ.
Geele naresum yɛla ase’a n wan ta’an soŋɛ tɔ ti to bisɛ to lɔɣɔrɔ yɛa soŋa.
“Hon Yɛɛri Ho Lɔɣɔrɔ Se’em La Na’aseri Naayinɛ?” (The Watchtower, September 2016)
Pɔka ayima eŋɛ la wani ta’an tara bɔkerɛ bɔ’ɔra nɛreba n loe ti ba maala bamesi se’em la?