Ani N De Naayinɛ?

Asaala n kɔ’ɔn pɔsɛ zi’ire tingɔŋɔ wa zuo daarɛ, ba kɔ’ɔn kaabera la yina to’ore to’ore ge Baabule la tɔɣɛ la Naayinɛ deyina yele. Mina n de “Naayinɛ la karegɛ gana yina woo mɛ.” (2 Yelebiŋ’a 2:5) Naayinɛ kani n bala? Ge bem n basɛ ti eŋa gana yina la woo ti nɛreba kaabera la? Zaseŋɔ wa poan, zamesɛ baŋɛ Naayinɛ n basɛ ti ho baŋɛ en se’em.

1. Naayinɛ yu’urɛ dela bem ge to eŋɛ la wani baŋɛ ti a boti la to baŋɛ a yu’urɛ la?

Baabule la poan, ti Naayinɛ basɛ ti to baŋɛ en. A yeti: “Mam dela Yehowa. Mam yu’urɛ n bala.” (Kaalɛ Isaiah 42:​5, 8.) “Yehowa” ze’ele la Hebru yetɔɣum poan ti la vuurɛ dɛna “Eŋa N Basɛ Ti La Ita.” Yehowa boti la to mina a yu’urɛ la. (Yɛhega 3:​15) To eŋɛ la wani baŋɛ bala? A yu’urɛ la boi Baabule la poan ti la gaŋɛ 7,000!a “Yelemɛŋɛrɛ Naayinɛ la n boi saazuo zuin sa, la tinparɛ wa zuo” la yu’urɛ n de Yehowa.​—Tɛɛnhegɔ 4:39.

2. Baabule la pa’alɛ Yehowa yɛla la wani?

Baabule la yeti yina la za’a ti nɛresaaleba na’asa la, Yehowa ma’a n de yelemɛŋɛrɛ Naayinɛ. Beni n sɔi? Yɛla zo’e zo’e n sɔi. Yehowa n tari kpe’eŋo gana za’a, eŋa me ma’a “n de Gaŋɛ Za’adaana tinparɛ wa zuo.” (Kaalɛ Yooma 83:​18.) Eŋa n de “Paŋa Zaʼadaana la” ti la vuurɛ pa’alɛ ti a tari paŋa n wan tum sɛla za’a ti a bɔta. Eŋa n “naam sɛla woo”​—saazuo la tingɔŋɔ wa za’a ti vom bɔna bim wa. (Liligere 4:​8, 11) Sɛla ka boi n zoni la Yehowa, se’ere n sɔi la a ka tari pɔsega ge me kɔ’ɔn bɔna la bala wuusa.​—Yooma 90:2.

3. Naayinɛ tari la na’asegɔ yu’ura la yumɛŋɛrɛ ayina ma’a

Ho san ɛɛra ho baŋɛ na’asegɔ yu’urɛ la yumɛŋɛrɛ n boi tɔka tɔka se’em, ŋmɛ VIDIYO la ge nyaa sɔsɛ sokere wa:

VIDIYO: Na’asegɔ Yu’ura La Yumɛŋɛrɛ Ayina Ma’a (0:41)

• Na’asegɔ yu’urɛ n de wuu “Daana” la yumɛŋɛrɛ boi tɔka tɔka la wani?

Baabule la yeti, nɛreba na’aseri la yina la daandoma zo’e zo’e. Kaalɛ Yooma 136:​1-3 ge nyaa sɔsɛ sokere wa:

• Ani n de “yinedoma Naayinɛ” la “daandoma Daana la”?

4. Yehowa boti la ho baŋɛ a yu’urɛ la ge tari de tuna tuuma.

VIDIYO: Naayinɛ Tari Yu’urɛ?​—Ase’a (3:11)

• Hon ti’isɛ ti Yehowa boti nɛreba baŋɛ a yu’urɛ la? Bem zuo?

Yehowa boti nɛreba tara a yu’urɛ la tuna tuuma mɛ. Kaalɛ Arom 10:​13 ge nyaa sɔsɛ sokere ana wa:

• La de ninmɔ’ɔrɛ la wani ti to tara Naayinɛ yu’urɛ Yehowa la tuna tuuma?

• La ni ana hon la wani nɛra san tɛ̃ra ge yi’ira ho yu’urɛ?

• Hon ti’isɛ ti la ani Yehowa la wani ho san yi’ira a yu’urɛ?

5. Yehowa boti la ho dɛna a zɔ

VIDIYO: Mam Ɛ Yelemɛŋɛrɛ Naayinɛ La Se’em (8:18)

• Vidiyo la poan, la ani Soten la wani la eŋa n zamesɛ baŋɛ Naayinɛ yu’urɛ la?

Ho san yeti ho nyɔɣɛ nɛra zɔtɔ la dela ho mina a yu’urɛ. Kaalɛ Yames 4:8a ge nyaa sɔsɛ sokere ana wa:

• Yehowa boti ho eŋɛ la bem?

• Ho san mina Naayinɛ yu’urɛ ge tari de tuna tuuma, la wan soŋɛ ho la wani ti ho ana du’a du’a la en?

YELEKPINE

Yelemɛŋɛrɛ Naayinɛ la ma’a yu’urɛ n de Yehowa. A boti la to mina yu’urɛ la ge tari de tuna tuuma la wan eŋɛ se’em ti to vuruge lɛm en.

Tiisegɔ Sokere

• Yehowa boi a to’ore la wani la yina se’a woo ti nɛreba puʼusa la?

• Beni n sɔi ti la nara ti to tara Naayinɛ yu’urɛ la tuna tuuma?

• Beni n pa’alɛ ti Yehowa boti la ho vuruge lɛm en?

Ɛ BISƐ

Viisɛ bisɛ yɛla anuu n basɛ ti la niɛ peelum ti Naayinɛ boi.

“Naayinɛ Boi?” (La boi jw.org)

Geele bisɛ sɛla n sɔi ti yɛm bɔna bim ti to sakɛ ti Naayinɛ ka tari pɔsega.

“Ani N Naam Naayinɛ?” (The Watchtower, August 1, 2014)

Zamesɛ baŋɛ sɛla n sɔi ti la nara ti to yi’ira Naayinɛ yu’urɛ hali to san puɣum ka mina ba yuun yi’iri de se’em diimi sa.

“Ani N De Yehowa?” (La boi jw.org)

To yi’iri Naayinɛ yu’urɛ se’em la yele pakɛ mɛ? Bisɛ sɛla n sɔi ti to yeti Naayinɛ tari la yumɛŋɛrɛ ayina ma’a.

“Naayinɛ Tari La Yu’ura Balɛ?” (La boi jw.org)