Tara Yelemɛŋɛrɛ Sɛla Woo Poan

Nɛra woo boti la zɔdoma sɛba n tari yelemɛŋɛrɛ. Yehowa me boti la a zɔdoma tara yelemɛŋɛrɛ. Ge la daɣɛ naana ti ho tara yelemɛŋɛrɛ tingɔŋɔ wa poan ti nɛreba zo’e zo’e ka tara yelemɛŋɛrɛ la. Ho san tara yelemɛŋɛrɛ sɛla woo poan, ho wan nyɛ nyuurɔ la wani?

1. Bem zuo ti la yele pakɛ ti to tara yelemɛŋɛrɛ?

To san tara yelemɛŋɛrɛ bɔ’ɔra nɛreba, la pa’alɛ ti to nɔŋɛ Yehowa mɛ ge me bɔ’ɔra en gilema. Geele bisɛ: Yehowa mi to ti’iseri ge ita sɛla woo mɛ. (Hebru 4:13) A puurɛ ni pee mɛ a san ni nyɛ ti to tari la yelemɛŋɛrɛ. A Yetɔɣum la yeti: “Yehowa yaɛ nigum nigumdaana mɛ ge a tari la bɔnsoŋa la tontɔɔdoma la.”​—Magaha 3:32.

2. Sarɔtɔ ani poan ti la nara ti to tara yelemɛŋɛrɛ to vom poan?

Yehowa yeti “tɔɣeri ya yelemɛŋɛrɛ bɔ’ɔra taaba.” (Zekaria 8:16, 17) Wana wa vuurɛ? To tɔɣeri bɔ’ɔra to deodoma, to tuuntuneba tadaandoma, to Krista mabiisi bii gɔmɛt kpɛ’ɛndoma woo, to ka pareni bii to niɣena tɔɣera sɛla n daɣɛ yelemɛŋɛrɛ. Mina n tari yelemɛŋɛrɛ ka zuuri nɛreba lɔɣɔrɔ bii a kisina ba. (Kaalɛ Magaha 24:28 la Epesus 4:28.) Ba me yɔɔri ba lampo woo mɛ. (Arom 13:5-7) Yele aŋa la yɛla ase’a poan to boti la to “bisɛ tomesi soŋa yelese’ere woo poan.”​—Hebru 13:18.

3. To wan nyɛ nyuurɔ la wani to san tara yelemɛŋɛrɛ?

Nɛreba san mina ti to tari yelemɛŋɛrɛ ba me wan dekɛ bamesi delum to. To me wan basɛ ti nɛra woo bɔna fai tansugere la poan ti to ana wuu deodoma la. La wan basɛ ti to tara putɛkeeŋa n ana filam. To yelemɛŋɛrɛ la me wan basɛ ti “Naayinɛ to Fãara la pa’alegɔ ta’an tara ninpiilum” ge me basɛ ti nɛreba baŋɛ Yehowa ta’an pa’asɛ yelemɛŋɛrɛ pu’usegɔ poan.​—Titus 2:10.

VIISƐ PA’ASƐ

4. Ho san tara yelemɛŋɛrɛ la ni basɛ ti Yehowa puurɛ pee mɛ

Kaalɛ Yooma 44:21 la Malaki 3:16 ge nyaa sɔsɛ sokere ana wa:

• Beni n sɔi ti yɛm ka bɔna bim ti ho ti’isa ti ho wan ta’an suɣɛ yelemɛŋɛrɛ la?

• Hon ti’isɛ ti la wan ana Yehowa la wani ho san ŋmibe tɔɣɛ yelemɛŋɛrɛ?

5. Tara yelemɛŋɛrɛ saŋa woo

VIDIYO: Bem N Bo’ori Pupeelum?​—Putɛkeeŋa N Ani Fa’a (2:32)

Kaalɛ Hebru 13:18 ge nyaa sɔsɛ to wan eŋɛ se’em ta’an tara yelemɛŋɛrɛ . . .

• la to deodoma.

• to tuuma zɛ’an bii sukuu poan.

• bɔŋa ase’a poan.

6. Yelemɛŋɛrɛ tari nyuurɔ mɛ

Yelemɛŋɛrɛ ta’an basɛ ti yele paɛ hɔ. Ge bala n de itisoŋɔ gana za’a. Kaalɛ Yooma 34:12-16 ge nyaa sɔsɛ sokere wa:

• Sore kani poan ti yelemɛŋɛrɛ wan ta’an basɛ ti ho vom ana soŋa?

1. A. Sireba la pɔɣeba n tari yeremɛŋɛrɛ basɛ ti ba pɔɣedire la ana la soŋa

2. B. Tuuntuneba n tari yelemɛŋɛrɛ ni basɛ ti ba tuuma kpɛ’ɛma tɔresɛ ba mɛ

3. D. Nɛreba san tara yelemɛŋɛrɛ la basɛ ti ba tara la yusonɛ gɔmɛt kpɛ’ɛndoma zɛ’an

YELEKPINE

Yehowa boti la a zɔdoma tara yelemɛŋɛrɛ ba yetɔɣum la ba itigɔ poan.

Tiisegɔ Sokere

• Sarɔɔ tuni poan ti la nara ti to tara yelemɛŋɛrɛ?

• Beni n sɔi ti yɛm ka bɔna bim ti to ti’isa ti to wan ta’an suɣɛ yelemɛŋɛrɛ la?

• Beni n sɔi ti hon bɔta ti ho tara yelemɛŋɛrɛ saŋa woo?

Ɛ BISƐ

Dɔɣereba wan ta’an pa’alɛ ba kɔma ti ba tara yelemɛŋɛrɛ la wani?

Tɔɣera Yelemɛŋɛrɛ (1:44)

Nyuurɔ boi bim la wani to san ni eŋɛ sɛla ti to yele la?

Ni Eŋɛ Sɛla Ti Ho Yele La Ge Ho Wan Nyɛ Kã’a (9:09)

Geele bisɛ, la nari ti to yɔɔra lampo hali ba san puɣum ka tara a tuna soŋa.

“La Nari Ti To Yɔ Lampo?” (The Watchtower, September 1, 2011)

Beni n soŋɛ kinkisumdaana ayima ti a tee a vom ge nyaa tara yelemɛŋɛrɛ?

“Mam Yuun Baŋɛ Ti Yehowa Dela Nimbɔzoredaana Ge Me Dita Sugeri” (The Watchtower, May 1, 2015)