-A ˈbɔn ɲʋn -ʋaˈ -pɛɛ nmɔan ˈˈjhrii dhi

1. Kaˈa yea bo bhla dhe a yea ɲʋn tɔdɩ tɔɔn,

Ɛmɛn aa Bhlei tɔɔn abʋ:

‘Ɲʋn ʋa pɛɛ nmɔan jhrii ʋbʋ aʋ ye i bɔn,

Ɲʋn ʋa bɔan ʋʋ yea tɔdɩ jhibho.

Aʋ po sɛ mɛn aʋ bhla flɛ jɛɛn bɔya bo

Dhe ɲɔn nɩan ɛɛ ka ye flɛ jɛɛn jhe.

Klaa bho ɲɔn se bɔn ɔ ye bɔya bo ŋwɔn,

Mɛn aʋ bhla bhɩ i dhe aʋ ye mun.’

2. Ɲɔn jhea abʋ ŋwɔn ɛ nɩn mɔn ɔ jhe ŋwɔn,

Kamɔn aa Bhlei Zezi dha.

Ɛ nɩn mʋnandɩ, bho Ɲɔnsoa nʋɛn dhe ɲʋn

Ʋa pɛɛ nmɔan jhrii kpʋʋn bo nɔn sɩn sɔɔn.

Dhɛ a yea tmʋn ɛn, a bhɔ ɛɛ zɔn du ɛ.

Zoovaˈa muɛn abʋ sʋn bho po.

Bho a peɛ ŋwɔn dhe a jhibho ghwlu ka,

Tɔdɩ ye ɲʋn dhɔɛe a pɛɛ i tʋn.