Bhla ˈo Zezi ˈdhe ˈdhe -pɛɛ ˈjɛɛn ˈmʋn

6:9-11, 25-27, 54, 66-69

Dɩ Zezi pooa ˈˈɩ ɛ, ɔɔˈ dhɛcɩaʋn ˈsɩ iˈŋwɔn, ɛ nʋɛnˈ -ˈnʋʋn anˈ dhɛgwlɩdeɛ ye ˈghla ˈˈdhe ʋʋ ye ˈbho ɔ ˈdhe ˈghlʋ. -Zɔn -ˈnɔn ˈyea ɲnin ɛn, Zezi nʋɛn -jhriiˈ- ɔ ye ɲʋn -duuˈˈ dhiidhɛ ˈˈɲɩn, ɛɛ toɛˈ -ka ˈˈɩkmansʋn- ɔ ˈbhlea ʋn ˈghlʋa ˈe Ɲɔnsoa bho ɛ. -ˈMɛn dhɛɛdɩ- ʋaˈ dhɛgwlɩdeɛ ˈghwla -a? Dhɛ nɩan ˈo -mɛn -nɩn ʋʋ ˈse ˈo Zezi ˈdhe bhla ˈdhe -pɛɛ ˈjɛɛn ˈmʋn. Dhiidhɩ- ʋbʋ dhia ɩanˈ dɩ ʋʋ bhla ˈbho ɔ ˈdhe.

Ɛɛˈ dɩ -a -ˈye -aaˈ ˈˈjɛ dɩ nɩn idee-: ‘Dhɛɛdɩ- ˈman bhla ˈo Zezi ˈdhe -ɛ? Dhɩ ɔɔ nʋan ʋnˈ ˈˈdhru i ˈzɩan -e ˈˈniman- ɔ ˈyea ʋnˈ po ˈdhe ˈkmʋn anˈ ɲan anˈ dɩ? -Aeˈˈ ˈɩn -kman Zoova aˈ dɩ ˈˈdhe ˈman ˈbɔn ˈye ˈe ɔ ˈˈjhri ˈdhe i-nmɔn?’

-Bho -aa sa Zoova aˈ dhbho nʋn dhɩ nɩan da ˈzɔn da aˈ ˈsʋ ɔˈ dɩ ɛˈ, dhɛɛdɩ- -aaˈ dhɛgwlɩdeɛ ˈbhɛɛˈ ɛ ˈye ˈghla ˈˈdoo- -ɛ?

• -Aa ˈbɔn -a -ˈye ˈe Zoova aˈ ˈcɛ ˈˈklu -nɩn.

• -Aa ˈbɔn -a -ˈye ˈe -kmʋn -dhee ˈdhi -nɩn.