-Bho -a ˈbhle kplɩn ˈdhɔɛe ˈˈdhe -aa sa ɲʋn ŋwɔn ˈjhe ɛˈ, ɛɛ zɩan ɲʋn anˈ kplɩn ˈˈɩn

ˈƝnʋnkpaoˈ ˈkpa kletiɛn ɛn, ʋanˈ kplɩn ˈdhɔɛe ˈbhɛɛˈ ɩn ˈyeɛ nʋn ʋanˈ -kʋan- sea kletiɛn -nɩn ˈye kletiɛn ˈkpa. ˈKlaa, ɛɛˈ dhɛ tu ˈbhɛɛˈ ɛ ˈye kpɩikpʋɛn i dee-, dhɛbhleɛ ɛ ˈbhɛɛˈ ɛ ˈye ˈo -zɩn -duuˈˈ po. (1P 2:21-23; 3:1, 2) -Bho dhɩ sea ˈˈɩ ˈsrɛ ɛ sa aʋ ˈjhe mɔn -dhe ɛˈ, aʋ kpa dhɛjɛɛn- ɛnˈ nʋanˈ ɲan -wɛeˈ aʋ ˈye ɲɔn -ɔn nʋan dhɛsaʋn ɔn kplɩn ˈˈɩ zian-. (Rm 12:21) -Zɔn -dhee -ˈnɔɔn -bho aʋa sa Zoova aˈ dɩ ˈtmʋn ɛnˈ, aʋaˈ -kʋan ˈbhɛɛˈ ɔ ˈse aʋ -dheinˈˈ bho -po i, ˈklaa kplɩn ˈdhɔɛe aʋa toa ˈbhɛɛˈ ɩn ˈyeɔ sʋn bho po ɛ ˈye dɩ aʋa ˈtmʋan -zii.

Dhɩ -ɩn ˈyea ɲɔn -nɩn ˈˈtiia ˈˈbhli dhɛjɛɛn ˈˈdhrui nʋn ɛn, ɩmɩn- ˈye i ˈbɔn. (Php 2:3, 4) Aʋ po aʋaˈ ˈˈjɛ ˈbho aʋaˈ -kʋan- anˈ ˈgɔ ˈˈɩ, aʋ ˈjhe ɔɔˈ -ghwɛe, aʋ po ˈe ˈkpɩ aʋ ˈye dhɛ nɩan aʋaˈ dhbho ˈˈjhriɛ ˈˈdu. Aʋ po ɲɔn -nɩn aʋ ˈˈtiia ˈˈbhli -dheinˈˈ bho. (Jc 1:19) Aʋ ˈmain ˈdhe ɔ bho, -ˈmɛn aʋ toɛ -ka aʋ kman ɲɔn -nɩn aʋ ˈˈtiia ˈˈbhli ɔˈ dɩ ɛ. -Bho ɲɔn -nɩn ˈˈtiia ˈˈbhli ɔˈ -to kplɩn ˈdhɔɛe mɔn -dhe ɛˈ, -manˈ dhɛgwlɩdeɛ ɛ nʋɛn Zoova ˈtʋn. —1P 2:19, 20.

-ˈJHE VIDEO JÉHOVAH NOUS DONNE LA FORCE DE PORTER NOTRE CHARGE I, -ˈMƐN -ZA ˈE IDEEDƖ- NƖAN DA ˈZƆN DA:

• ˈBho Glasɩ Li aˈ ˈˈbhlitiiɛ- ɛˈ -deenanˈ an, ka ʋanˈ ˈkmʋn -nɩn -dhe -ɛ?

• Dhɛwɛ- ˈˈtun -wɛeˈ ʋn ˈŋwɔɔn- tɔˈdɩ- nɩan ˈdhe Biiblʋ ˈdhi aˈ dɩ -ɛ?

• ˈBho ˈdhoudhi Li aˈ ˈˈnin ˈzɔn -jhiiɛ ˈdhe ɛ, ˈdhe ˈkledɩ- -wɛ ˈdhi ʋn kpʋn ˈkpɩi -ɛ?

• ˈDhe ˈdhoudhi Li aˈ bhaeghwlu ˈdhi ɛ, dhɛwɛ ʋan dee i ˈdhe ʋanˈ -kʋan- anˈ dɩ ˈdhi -ɛ?

• ˈˈNiman- -wɛ ʋn ˈjhe ʋanˈ kplɩn ˈdhɔɛe aˈ dɩ -ɛ?