“Aʋ -za Gɩlɩ ˈsrɩ kwa i”

-Bho Zoova ˈse ˈo ˈtee -to ke ˈdhe -baadhɩ aˈ ˈˈɲɩan anˈ dɩ ˈdhi mɔn -dhe ɛˈ, Zakɔbʋ jhibhiˈ -ka ɲʋn ˈyea Zoova aˈ ˈsʋ ˈˈɲɩn ɛn. (Ex 20:3-5) -Da Zoova ˈnaan Zakɔbʋ mun Betɛɛ dhe ɛ, Zakɔbʋ ˈtmʋʋn ɲʋn anˈ klɛɛ nɩan ˈdhe ɔ bho ˈˈgbuzɔnˈ ˈmɛn ʋʋ ˈye -baadhɩ aˈ klɛɛ ʋʋ ˈbhlea kwa i -za. ˈˈJhibhagbɛɛdhɩ- nɩan ˈsʋnpodhɩ -e -dheinpodhɩ ɛ, Zakɔbʋ poɛ ɩan klɛɛ ˈklwa. (Gn 35:1-4) Ɛ se doo- da ˈbhle, dhɛ Zakɔbʋ nʋan ɛ -bhluua- Zoova aˈ -pɛɛ ˈmɛn.

ˈZɩan -ke ɛ, ka -a ˈye nʋn -wɛeˈ -a ˈye Zoova aˈ ˈsʋ ˈˈɲɩn -ɛn? Dhɛ kɔandɩ -a ˈyea nʋn ɛn, ɛmɛn- -nɩn -a ˈye dhɛ ooˈˈ dhɛ nɩan -baadhɩ aˈ ˈˈɲɩan -e gupoɛ- ˈzɔn bho -tɛɛn. Dhɛ -ˈmɛn ˈdha, -a ˈye dhɩ aˈ klɛɛ nɩan gupodhɩ kwa i -za ˈˈdhe -a ˈye dhɩ -aa zaa ˈplʋ ˈjhrii i ˈcra -kajɔɔnka. Dee- -manˈ ˈˈjɛ dɩ nɩn in: ˈSɛɩ -e fimʋn -ɩn ˈdhe ˈdhi ˈˈkuudhɩ -e gupoɛ nɩan ɩmɩn- -an nʋn ˈʋn ˈtʋn? ˈDhe dhɩ ˈman zaa ˈplʋ ˈˈjhrii ˈdhi ɛ, ʋʋ ˈnaan -jhriiˈ- -nʋɛn- -e dhɩziɛ- -e gupoɛ se dhɛsaʋn -nɩn? -A ˈye dhɩ aˈ klɛɛ Zoova ˈɲɩan ˈmʋn bho -tɛɛn.—Ps 97:10.

-ˈJHE VIDEO NƆN IN, “AƲ VƆN ƝƆNSAƲN BHO”, -ˈMƐN -ZA ˈE IDEEDƖ- NƖN:

• 

  Dɩ -wɛ Palesa nɩan Biiblʋ ˈcɩain ˈjhe ˈdhe ʋanˈ ˈkmʋn ˈdhi -ɛ?

• 

  -Bho -ziisaɩn- an sa ɲɔn -nɩn -aa ˈcɩan Biiblʋ -aeˈˈ -aaˈ ˈˈjɛ seea aˈ, dhɛɛdɩ- -a ˈye ɲankɔʋn anˈ ɲʋn sʋn bho -poɛ i ˈbɔn -ɔn?

• 

  -Bho -aa sa ˈbɔn Zoova ˈye -aʋ ˈdhein -fuo- ɛˈ, dhɩwɛ- -a ˈye kwa i -za?

• Dhɛwɛ- Palesa kpʋn ˈe ˈˈjhri ʋn nʋn -ɛn?

• -Da ˈˈtia, -kawɛ -ˈbhɛɛ -ˈye nʋn -wɛeˈ -ˈye -manˈ ˈˈjɛ -ziisaɩn ˈbho -tɛɛn?