Dhɩ -a toɛ -ka Zoova a po -aʋ ˈˈniman

8:6-9, 12; 9:1-5, 23, 24

Aalɔn ɔnˈ ˈˈɲnuun ˈkpa ˈsraazaʋn -dhee ˈmʋn ɛn, ˈsraa- ɲʋn an poa ˈˈjhri ʋʋ toa Zoova aˈ ˈˈjɛ -jha nɛn ɛ ˈyeɔ -siin. Ɛɛˈ dhɛ tu ɛ toɛˈ -ka Zoova a ˈŋwɔɔan ʋaˈ dhbho ˈˈdhe ɔɔ mubʋ sʋn bho -po ɛ. Zoova nʋɛnˈ -wɛeˈ ɔ ˈye Israɛkɔʋn- ˈgbooa ˈˈdhrui ˈdhe ɛɛˈ -zɔn tu ˈdhi ˈkpɩ po ˈˈdhe ɔ ˈyeɛ -to -ka ɔ -nɩn ˈsraazaʋn an muan -nan. ˈZɩan, Zezi Klisɩ -nɩn ˈsraazai- klaaˈˈ Zoova aˈ ˈˈjɛ dee ˈo i. (Hé 9:11, 12) ˈDhe 1919 zʋn ˈdhi ɛ, ɲʋn -zuu ˈcrai aˈ kpɔ Zezi -za ˈo -ʋʋ ˈye “-gwlɩˈˈ -de -dhbhonʋin ˈcɛɛan ˈˈjhrii” -nɩn. (Mt 24:45) -Ka Zoova a ˈŋwɔɔan -gwlɩˈˈ -de -dhbhonʋin ɔnˈ dhbho, ɔɔ poɔ ˈˈniman ˈˈdhe ɔɔ poɔ sʋn bho ɛ, -ɛɛ toɛ -ɛ?

• -Bho ɲʋn an sa Zoova aˈ -Bobhlaʋn ˈkle ˈˈdu mɔn -dhe ɛˈ, -gwlɩˈˈ -de -dhbhonʋin ɔnˈ poɛ ˈe ˈkpɩ ɔɔ ˈyea ɲʋn an ɲɔnsoadhɛ ɛˈ dɩ ˈˈduɛ ɲan kpa.

• -Ka Ɲɔnsoa aˈ Ghwlu nʋan ɛɛˈ ɲanzaa- sʋn ɛn, -bɔyaˈˈ bo ɔ bhlaaˈ “da ˈbhlʋa aˈ klɛɛ ˈˈkpe.”—Mt 24:14

Dhɛwɛ- -a ˈbhɛɛ -a ˈye nʋn -wɛeˈ -a ˈye -gwlɩˈˈ -de -dhbhonʋin- ˈcɛɛan ˈˈjhrii sʋn bho po -ɛ?