ˈˈƝnuunbhleʋn- aʋ -tɔɔn aʋaˈ ˈˈɲnuun dhɛ ʋʋ ˈye tɔˈ ˈdhi -nɩn

ˈKmʋn nʋn -a nɩan nɔnˈ ˈdhi ˈzɩan an, ˈjɛɛn -nɩɛn- saʋn-, saʋn- -nɩɛn- ˈjɛɛn. (Is 5:20) Dhɛ -ɛ ˈbhlea -ghwɛe -mɛn -nɩn ɲʋn -duuˈˈ -ʋaˈ nʋʋndhɩ a ɲaan Zoova i. Ʋaˈ -ˈnʋʋn an nʋɛn bha ˈɲnɔn ˈmʋn. Ɲʋn -jhae- nɩan ˈnɔn -a ˈˈklun ɛn, ʋaˈ dhaiˈˈ -ˈwe nɩan ˈe -klainˈˈ -e ɲʋn -dhee -ˈnʋʋn ˈbhɛɛ ʋʋ ˈyʋbʋ ˈˈtun ʋʋ ˈye dhɩsaɩn nʋn. -Kawɛ- aʋ ˈye aʋaˈ ˈˈɲnuun dhɛ -tɔɔn sʋn nʋn -wɛeˈ -bho ʋʋ -nɩn ˈo dhɛsaʋn ˈˈjhibhaˈ aˈ, dhɛ ʋʋ ˈyea nʋn ʋʋ ˈyeɛ jhibho- -ɛ?

Aʋ -tɔɔn aʋaˈ ˈˈɲnuun Zoova aˈ ˈtee. (Lv 18:3)

-Ka aʋaˈ ˈˈɲnuun an ˈbhɔɔa, dhɛ Zoova aˈ ˈtee a ˈtmʋan ˈdhe -jhaijheɛ ɛˈ dɩ ˈdhi ɛ, aʋ -tɔɔn ʋbʋ. Dhɛ ʋʋ ˈbhɛɛa ʋʋ ˈyea i ˈŋwɔn ɔn, ɛmɛn- aʋ ˈyʋbʋ -tɔɔn. (Dt 6:7) Aʋ dee- aʋaˈ ˈˈjɛ dɩ nɩn in: ‘-Ka ɛ kɔandɩ ˈman ˈˈɲnuun ˈyea ɲʋndɩkman-, ʋaˈ dhɛmʋnpaasʋn- ˈyea ˈˈjhrii -nmɔn, ˈˈdhe ʋʋ ˈsea ɲʋn anˈ dɩ ŋwɔn ˈdhi -po i ɛ, ˈman tɔɔn ʋbʋ ˈmɛn?’ -Bho ɲɔn -to ˈman ˈˈjhu pɔɔno oˈˈ, ɔ ˈnan ɔ nʋn dhɛsaʋn ɛnˈ, dhɛ ɔ ˈyea nʋn ɔ jhibhɛ ɛ? -Bho aʋ ˈˈdoo- aʋ -tɔɔn ʋbʋ dhɩ -ˈnɩn ɛnˈ, ɛɛ muɛn -nʋn ʋʋ ˈse ˈe ˈkledɩ- -duuˈˈ ˈdhi ˈkpa i. (Pr 27:12; Ec 7:12) -Bho aʋa sʋbʋ dhɩ -ˈnɩn tɔɔn ɔn, aʋa toɛˈ -ka -baanˈ- ˈghwlʋa ˈe Ɲɔnsoa bho ˈdha dhɛ ˈdhe aʋ ˈˈjhri ˈdhe ɛ.—Ps 127:3.

-ˈJHE VIDEO NƆN IN PO ˈˈGBU -ƲN ˈYEA IKU: AƲ -FUO- AƲAˈ ˈˈƝNUUN ˈDHE I “ƲƲ -SAˈ ˈE DHƐSAƲN- ˈDHI ˈKPA”, -ˈMƐN -ZA ˈE IDEEDI- NƖAN DA ˈZƆN DA:

• 

  Dhɛɛdɩ- ˈˈɲnuunbhleʋn -ˈnʋʋn anˈ ˈtmʋn -jhaijheɛ ɛˈ dɩ ˈdhe ʋaˈ ˈˈɲnuun bho -ɛ?

• 

  Dhɛɛdɩ- ˈˈɲnuubhleʋn ˈye ʋaˈ ˈˈɲnuun Zoova aˈ ˈtee -tɔɔn?—Éph 6:4

• 

  Dhɩwɛ- Zoova aˈ -glibha- ˈˈɲɩn ˈˈɲnuunbhleʋn -wɛeˈ ʋʋ -nɩn ʋaˈ ˈˈɲnuun ˈye -jhaijheɛ ɛˈ dɩ ˈtmʋn -ɛn?—w19.05-F 12, box

• -Da ˈkledɩ ˈsea ˈˈbhlo ˈghwlʋʋ- ke ɛ, dhɛɛdɩ- ˈˈɲnuunbhleʋn- -nɩn ʋaˈ ˈɲnuun ˈye ɛɛˈ dɩ ˈtmʋn jheejhee -ɛ?