Aʋ ˈˈdu aʋaˈ ˈˈbhlitiiɛ ɛˈ dɩ

Ghwlu ˈɲnɔn -e -kʋan- cɩan ˈbho ˈˈbhlitiiɛ ɛˈ nɔnˈˈ ɔn, ʋn ˈdha dhɛ ˈdhe Zoova ˈˈjhri ˈdhe. Ɔ ˈnaan ˈɲnɔn -e -kʋan- ˈye ˈo bha ˈˈbun in kpʋn. (Mt 19:5, 6) Ɲɔnsoa aˈ ˈcɛ ɛˈ -da -duuˈˈ -ʋa- to ˈo ˈgɔ ˈdhɔɛe ˈdhe ˈˈbhlitiiɛ ɛˈ dɩ ˈdhi. ˈKlaa, ɲʋn ˈsɔɔn -ʋa- ˈˈtiia ˈˈbhli ɛ, ʋʋ se i -gwɛ. Dɩ ˈbhɛɛ ɩn ˈye ˈo ʋbʋ ˈɲnɩn ˈkpa -zɔn -ˈnɔɔn. ˈBho ɲʋn anˈ -da -duuˈˈ -gwlɩˈˈ ɛ, -bho ˈkledɩ- ˈkpa ˈo ˈɲnɔn -e -kʋan- ˈɲnɩn ɛnˈ, ʋʋ ˈbhɛɛ ʋʋ ˈye i -zela- -aeˈˈ ʋʋ ˈye ˈˈɩ cɩɛn-. -Aaˈ ˈbhlee- ʋaˈ tɔˈ inaansʋn -dhe. ˈKletiɛn -ˈˈwe -ʋʋ ˈˈtiia ˈˈbhli ɛ, ka ʋʋ ˈye ʋaˈ ˈˈbhlitiiɛ ɛˈ dɩ ˈˈdu sʋn nʋn -ɛn?

Dhɩ aˈ kpɛ -mmˈˈ -ˈnɩn ˈbhɛɛ ɩn ˈyʋbʋ sʋn bho po.

1. Aʋ -fuo- aʋaˈ -pɛɛ ˈdhei, ɲɔn -nɩn aʋ sea ˈˈbhlitiiɛ ɛ, ɔ -nɩn aʋaˈ ˈˈɲɩnan ˈˈjhri -dhe. Aʋaˈ nʋn -e ˈɲnɩnzanˈ -dhe -ke, ɩanˈ dhɩ tu a kɔɔ ˈˈbhlitiiɛ ˈmɛn. —Mt 5:28; 2P 2:14.

2. Aʋ -kuu -jhbhɛɛ nɩan ˈo aʋbʋ -e Ɲɔnsoa ˈɲnɩn in. -Ka aʋ ˈyea Ɲɔnsoa ˈtʋn nʋn ɛn, ɛmɛn- aʋ ˈye i ˈbɔn.—Ps 97:10.

3. Aʋ -paa -nɩnsʋn -dhee ˈmʋn jheejhee ˈˈdhe dhɩ aʋ ˈyea nun -wɛeˈ ɲɔn -nɩn aʋ ˈˈtiia ˈˈbhli ˈyea ˈmʋnan in -nɩn ɛn, aʋ ˈyɩ nʋn. —Col 3:8-10, 12-14.

4. -Bho aʋa sa ˈe bha bho ghwlu ɛˈ, aʋ toɛ -ka aʋa ˈjhea bha ŋwɔn.—Col 4:6.

5. Aʋ ˈbhle bha -dhɛ -dhɛ, aʋ -kman bha aˈ dɩ ˈdhe aʋaˈ -pɛɛ ɛˈ klɛɛ ˈmʋn.—1Co 7:3, 4; 10:24.

-Bho kletiɛn -ˈˈwe a sa ˈˈbhlitiiɛ jha de ɛˈ, ɛ nɩn Zoova ˈˈbhlitiiɛ ˈghwlʋa ˈe bho ʋa ˈjhe ŋwɔn.

-ˈJHE VIDEO NƆN IN, -A PLE ˈDHE ˈKPƖIKPƲƐN- ˈMƲN: -A ˈJHE ˈTEE ƝƲN DEA ˈO ŊWƆN, -ˈMƐN -ZA ˈE IDEEDƖ- NƖAN DA ˈZƆN DA:

• 

  -Bho -aaˈ ˈˈbhlitiiɛ -nɩn -kajɔɔnka ˈbho -deenanˈ mɔn -dhe ɛˈ, ˈkledɩ -wɛ -a ˈbhɛɛ -a ˈye ˈˈjhibhaˈ ˈjhe -ɛ?

• 

  Ɲʋn -ʋaˈ ˈˈbhlitiiɛ sea -kajɔɔnka -nɩn ɛn, kawɛ- Biiblʋ aˈ ˈsrɩn ˈbhɛɛ ɩn ˈyʋbʋ sʋn bho -ɛ?

• 

  ˈTee -wɛ Zoova de ˈo dhi ˈdhe ˈˈbhlitiiɛ ɛˈ dɩ ˈdhi -ɛ?

• -Bho ˈɲnɔn -e -kʋan- an sa ˈbɔn ʋʋ ˈye ˈmʋnan in -nɩn ɛnˈ, dhɛwɛ- ʋʋ ˈye nʋn -ɛn?