-Aaˈ ˈˈdhruigbooɛ- -klaeˈˈ -ɩan- nʋʋan ˈdhe zʋn ˈdhi a poɛ -aʋ sʋn bho -aa yea ɲʋndɩkmaan- to

ˈˈDhruigbooɛ klaeˈˈ -aa nʋan, dhɛɛdɩ- ɩan po -aʋ ˈmʋnan in -ɛn? -Ka ɛ nɩan ˈdhe Israɛkɔʋn anˈ nɔnˈˈ -dhe ɛ, -aaˈ ˈˈdhruigbooɛ klaeˈˈ -aa nʋan ˈzɩan -ke ɛ, ɩan nʋɛnˈ -a nɩn -aaˈ ˈdhoudhi -ˈˈwe aˈ ˈˈghwluu -ghwluu a yea -da dhueˈ ˈkpa -aa yea Zoova ˈˈɲɩn. ˈBho ɩanˈ ˈghwɩ tu ˈˈkpe ɛ, -aa ˈcɩan Zoova aˈ jhibhɛ- -kajɔɔnka. Ɩan nʋɛnˈ -ke -a -nɩn -aaˈ ˈdhoudhi -ˈˈwe -e -aaˈ ˈˈgbuzɔncɛ ɛ yea nɔnˈˈ ˈdhɔɛe nʋn -da dhueˈ. -Aaˈ ˈˈdhruigbooɛ -ˈnɩn kɔndɩ ˈdhe -a ˈˈjhri ˈdhe, ɛɛˈ dɩ -aa mun ɩanˈ ˈghwɩ nɩan taan -ˈnɩn ˈmʋn.

-Bho -a mun ˈˈdhruigbooɛ -ˈnɩn ˈmʋn ɛnˈ, -a ˈse -aaˈ ˈsʋ ɔɔˈ dɩ tɔˈ i -naan in. -Ka -a ˈyea nʋn ˈˈdhe -a ˈyea ɲʋndɩkmaan -to ˈdhe ɲʋn -ˈnʋʋn bho ɛ, ɛmɛn- -a ˈye tɔˈ ˈˈkpe i naan- -ke. (Ga 6:10; Hé 10:24, 25) -Bho -aaˈ ˈdhoudhi ɔ sa jhi -wɛeˈ -a kain ˈbho -ŋmɛinˈˈ -a ˈˈɲɩɔn -aeˈˈ -dein -a ˈyea ˈˈkpe -de -bho ɛ -nɩn ɩanˈ ˈsʋ -aa sa dhɩ ˈˈkpe i de ɛˈ, -aa toɛˈ -ka -aa naan ɲʋn -ˈnʋʋn anˈ dɩ tɔˈ i -ke. (Php 2:3, 4) ˈˈDhruigbooɛ klaeˈˈ -ˈnɩn an nʋɛnˈ -aa yea dhaiˈˈ -ˈˈwe ˈbhle. ˈDhe -aaˈ ˈˈdhruigbooɛ -ˈnɩn ˈmʋn ɛn, ˈdhoudhi -ˈˈwe -a sea jhibho- ɛ, -a ˈbhɛɛ -a ˈye ʋaˈ ˈˈdhaidhɛ i ˈbɔn. (2Co 6:13) Dhaiˈˈ -ˈˈwe -aa ˈjhea ˈdhe ˈˈdhruigbooɛ ˈmʋn ɛn, ʋaˈ ˈdhaidhɛ ɛ gwle ˈo ˈmɛn! -Bho ɲʋn -ʋa- zia a sa ɲʋndɩkmaan nɩan ˈbho -a ˈɲnɩn ˈjhe ɛˈ, ɛ ˈbhɛɛ ɛ ˈyʋbʋ ˈˈtun ʋʋ ˈye Zoova ˈˈjhibhaˈ -gbɛɛ.—Jean 13:35.

-ˈJHE VIDEO NƆN IN, “ƝƲNDƖKMAAN- ˈSE I -GWƐ I”! ˈˈDHRUIGBOOƐ KLAEˈˈ, -ˈMƐƐN -ZA ˈE IDEEDƖ NƖAN DA ˈZƆN DA:

• 

  ˈDhoudhi -ˈˈwe muan ˈˈdhruigbooɛ klaeˈ ˈmʋn ˈbhlʋɩ ˈsrɩ ˈdhii ˈdhe 2019 ˈdhi ɛ, kawɛ- ɲʋn nʋn ɲʋndɩkmaan -to sʋn ˈdhe ʋbʋ bho -ɛ?

• 

  Dhɛɛdɩ- ghwluiŋwɔɔɛn -e ɲʋndɩkmaan nɩan ˈo Zoova aˈ ˈcɛ ˈɲnɩn an ˈˈman an ɲʋn tɔˈ -ɔ?

• 

  Kawɛ- -glibha aˈ jiebhopoʋn nʋn kletiɛn -ˈˈwe aˈ ɲʋndɩkmaan -jeɛ ˈˈkpe -de sʋn -ɛn?

• 

  Kawɛ- ɲʋndɩkmaan nʋn -zibho kpa sʋn ˈdhe Liman -e Kole di sidi -ɛ?

• Dhɛwɛ- -a ˈye ˈe ˈkpɩ po -a ˈye nʋn -ɛn?