-A -pooɛ- kpɔˈˈ -wɛeˈ -a ˈye bo bhla ˈdhe ɲʋn anˈ klɛɛ bho

-Ka Zoova poa Israɛkɔʋn kpɔˈˈ -dhe ɛ, ˈkamɔn- ɔ po ɔɔˈ ˈcɛ kpɔˈˈ ˈzɩan -ke -wɛeˈ dhbho ɔ dubʋ kwa a, ʋʋ ˈye ɔɔˈ nʋanˈ ˈbhɛɛ-. -Ɛ tbha betɛɛ -e kpɛ kpɔ ɔˈ ˈˈjhriɛbhoduʋn an poa jie bho -e ɲɔnsoagbi -ɛ -jhɛɛa bobhlaʋn anˈ kpɛ ɛ, ɩanˈ klɛɛ ɛ nʋʋɛn dhbho i -wɛeˈ -bobhladhbho ˈye ɲan mun. -Aa bhla bo ˈdhe ɲʋn anˈ klɛɛ bho -bho ʋa sa ghwlu ˈsrɩ po mɔn -dhe ɛˈ. Ré 14:6, 7.

-Ka -ˈyea nʋn -wɛeˈ -ˈyea ghwlu ˈsrʋ ˈcɩan ˈˈdhe -ˈyea bo bhla ˈdhe ɲʋn -ˈnʋʋn bho ɛ, -naan ɛɛˈ dɩ tɔˈ i ˈmɛn? -Bho se nɔnˈˈ -duuˈˈ ˈbhle ghwlu ˈsrʋ ˈcɩan -dɩ ɛˈ, ˈbhɛɛ -ˈye JW Language ɛˈ aplikasiɔn i -jhii -wɛeˈ -ˈye dhɛtosʋn ˈˈkʋan ˈˈjhrii ˈcɩan. -Bho -nʋʋɛn dhbhoˈˈ ˈdhe -bobhlaaˈ, ˈmʋnan kletiɛn -ˈˈwe kɔan ɲan ˈjhea -da ɲʋn ˈghwlʋa ˈbhlʋɩ ˈsrɩ ˈdhii ˈŋwɔan Ɲɔnsoa aˈ dhɩ ˈdhɔɛe ˈdhe ʋaˈ ˈˈbhlighwludhi ɛ, ɔmɔn- -man mun ˈjhe -ke. Ac 2:7-11.

-ˈJHE VIDEO NƆN IN, -ˈKPA ZOOVA Aˈ -JHBHƐƐI: BHLA BO ˈDHE ƝƲN -AN POA GHWLU ˈSRƖ BHO, -ˈMƐN -ZA ˈE IDEEDƖ NƖAN DA ˈZƆN DA:

• Kawɛ- JW Language ˈbhɛɛ ɛ ˈye -ʋn sʋn bho po -ɛ?

• Dhɩwɛ- ɲʋn po kpɔˈˈ ˈdhe ɛ ˈdhi -ɛ?

• Ghwlu -wɛ ɲʋn an po ˈdhe -manˈ kpɔ ˈdhi -ɛ?

• -Bho ɲɔn ˈŋwɔɔn tɔˈdɩ ˈˈdhe se ɔɔˈ ˈˈbhlighwlu jhibho- ɛˈ, ka -ˈye ɔɔˈ sʋn bho -po sʋn nʋn -ɛn?—od-F 100-101 § 39-41