Zela tɔˈ i -ˈye ˈo -manˈ dhaiˈˈ -ˈˈwe -za

Dhɛ -jhiia- Israɛkɔʋn dhi ˈdhe Moabʋ aˈ -beɛnbhlʋa- ˈˈkpe ɛ, ɛɛ ˈˈduɛ kletiɛn -ˈˈwe ˈsrɩn. (1Co 10:6, 8, 11). Israɛkɔʋn- ˈkpaa- Moabʋ aˈ ˈɲnɩnzanˈ -nʋn -ɲnʋnkpaeˈ -e -baadhɩ ˈˈɲɩn ɲnʋnkpaeˈ i ɛ, ɛ nʋɛnˈ ʋʋ ye dhɛsaʋn- -klaaˈˈ nʋn. Ʋʋ ˈjheeɛ- ˈbho ˈkledɩ- -duuˈˈ. (Nb 25:9) Ɛgwɛ ɲʋn -nɩn -aa nʋan dhbho, -ʋʋ -nɩn -aa pa -klainˈˈ, -ʋaˈ -ŋmɛinˈˈ -nɩn -aaˈ -ŋmɛinˈˈ ˈˈkʋʋan- in, -aaˈ ˈcɛ -ˈˈwe -aeˈˈ ɲʋn -ˈnʋʋn -ʋaˈ -gbɛɛa- Zoova ˈˈjhibhaˈ -ʋʋ -jhii -aʋ- ˈdhe i. Ka ɲʋn sea Zoova -jhibho- ʋaˈ i ˈˈkʋaan- sea ˈˈjhriinmɔn- ɔn, Biiblʋ aˈ -bo -wɛ -ɔɔ toɛ -ɛ?

-ˈJHE VIDEO NƆN IN, -BO -A ˈYEA ˈSRƖN ˈDHI -ZA ˈZƖAN AN: ƆƆˈ ˈFƆ -DHƐ ˈˈZAAN- -ˈMƐN -ZA ˈE IDEEDƖ NƖN:

• 

  Dhɛwɛ- -ɛ se ˈˈjhriinmɔn- Zimiri -e ɲʋn -sia ˈo ˈtmʋʋn- Yaminɩn -ɛn?

• 

  Kawɛ- Fineasɩ nʋn Yaminɩn sʋn bho -po sʋn -ɛn?

• -Nɩn ˈkmʋnkpeɲɔn ˈŋwɔɔn- ghwlui -e ɔ -nɩn -jhbhɛɛ, dhɛɛdɩ- ɩn se gʋʋɔ -ɔ?

• Dhɛɛdɩ- -a -ˈye -gwlɩisroo- ˈbho -aaˈ dhaiˈˈ -ˈˈwe aˈ ˈbho -za aˈ, -bho ɛ -nɩn ˈe ɲɔnsoagbu ˈdhi mɔn -dhe -ɛ?

• Ɲʋn -a sea jhibho- -aa ˈjhea ˈbho ɛntɛɛnɛtɩ ˈˈkpe ɛ, dhɛɛdɩ- ʋʋ -nɩn -a ˈse -maʋa- -bhlai -ɛ?