“-Manˈ ˈˈdu -e -zɔnˈ ˈdhe-”

Ɲʋn -ʋʋ sea dhɛ ˈbhle ɛ, Zoova a pʋbʋ sʋn bho ˈdhe Israɛbhlʋa- -dhe. Ɲʋn -ʋʋ sea dhɛ ˈbhle ˈdhe ɔɔˈ ˈcɛ ˈˈklun ˈzɩan an, ka ɔɔ nʋn ʋbʋ sʋn bho -po sʋn -ɛn?

• Ɔɔ tɔɔn ʋbʋ dhɛ -wɛeˈ ʋʋ ˈye tɔˈinaansʋn- ˈjɛʋn ˈbhle ˈdhe ˈghwɛi aˈ dɩ ˈdhi.—Lc 12:15; 1Tm 6:6-8

• Ɔɔ pʋbʋ sʋn bho ʋʋ ˈyɩ jhibho- -ka ʋʋ ˈdha dhɛ -bho ʋʋ se dhɛ ˈbhle mɔn -dhe ɛˈ.—Job 34:19

• Ɔɔ ˈˈdu ʋbʋ ˈsrɩn ʋʋ ˈye ˈe ˈkpɩ po ʋʋ ˈye dhbho nʋn ˈˈdhe ʋʋ ˈye dhɩ ɲnian ˈˈjhrii bho -tɛɛn.—Pr 14:23; 20:1; 2Co 7:1

• Ɔ jri ʋbʋ ˈmɛn ɔ yʋbʋ ˈnɔn ˈdhoudhi -glibha ˈbhlea ɲʋndɩkman- ˈdhi -jha.—Jean 13:35; 1J 3:17, 18

• Ɔ ˈˈɲɩn ʋbʋ -pɛɛɩtbhadhɛ-.—Ps 9:18; Is 65:21-23

Dɩ -a nɩan ˈe ˈdhi -ka ɩn ˈjhe ɩn -nɩn mɔn -dhe ɛˈ, -a ˈbhɔ -zɔnˈ ˈˈdu ɛ. (Is 30:15) -Bho -aa sa Zoova aˈ ˈBheɔglɔ- ɲankɔn ɔnˈ, ɔɔ muɛn -aaˈ dɩ ˈˈdu-.—Mt 6:31-33.

-ˈJHE VIDEO NƆN IN, ƝƲNDƖKMAN- SE I -GWƐ I... SEDHƐBHLEƐ-: KƆNGO, -ˈMƐN -ZA ˈE IDEEDƖ NƖN:

• 

  -Da ɲʋn an nʋʋan ˈˈdhruigbooɛ klaaˈˈ a, ˈdhoudhi -ˈˈwe ˈˈtia ˈo ɛ, ka ʋa nʋn ˈdhoudhi -ˈˈwe -ʋa- ˈghwlʋa -da -dɔɔnˈ -ʋa- jhia sɩn ˈsɔɔn -kpʋʋn sʋn -ɛn?

• 

  -Ka Zoova kman ɲʋn sea dhɛ ˈbhle ʋaˈ dɩ ɛ, ka video nɔn ɔn nʋn ɛnˈ -to sʋn -ɛn?

• 

  Dhɛ -a ˈbhlea -ka ɛ ˈjhe ɛ -nɩn mɔn -dhe ɛˈ, -kawɛ -a ˈbhɛɛˈ -a ˈye Zoova -sraan -an?