KLETIƐN ƐNˈ ˈKMƲN
-Tɛɛn dhɩ ɲʋn -an vɔan tɔˈdɩ bho a tɔɔan ɲʋn bho
-Zɔn -dhee -ˈnɔɔn ɔn, Satan -e ɲʋn ɔɔ poa jie bho a ˈˈbheɛ tɔˈdɩ -e sɩ ˈˈjhrii -wɛeˈ -aaˈ dhɛgwlɩdeɛ ˈye ˈghwla. (2Co 11:3) Ɛɛˈ kpɔ dhueˈ -mɛn -nɩn dɩ Asilɩkɔʋn ˈtmʋan, ɩanˈ klɛɛ se tɔˈdɩ -nɩnˈ -dhe, ʋʋ nʋn -kaˈ ˈmɛn -dhe -wɛeˈ ʋʋ ˈye Zoova aˈ ˈcɛ ˈkpɩi ˈdhbha. (2Ch 32:10-15) ˈKamɔn- ɲʋn -an vɔan tɔˈdɩ bho a nʋn -ke ˈzɩan. Dhɩ ɲʋn -an vɔan tɔˈdɩ bho a tɔɔan ɲʋn ɛn, dhɛwɛ- -a ˈye nʋn ˈdhe ɩanˈ dɩ ˈdhi -ɛ? ˈJhʋbʋ -ka kwɛin- -ɩan- ˈdhbha ɲʋn nɩan, ˈˈdhe ɛmɛn- ʋʋ -nɩn ˈmʋn! -Manˈ zro ʋaˈ ˈsɛɩ ˈdhii -dhe, -manˈ za -e ʋaˈ ghwlu aˈ kpaˈ -dhe, ˈˈdhe -man gbaa ʋaˈ ˈtmʋʋndɩ ˈi -dhe. Dhɛ ooˈˈ dhɛ ʋa ˈtmʋan -wɛeˈ ɲʋn ˈsea Zoova -e ɔɔˈ Glibha -gwlɩˈˈ -de i ɛ, -vʋɩn ɲan—Jude 3, 4.
-ˈJHE VIDEO NƆN IN “AƲ VƆN DHƐGWLƖDEƐ- Ɛˈ -GBA”!—ƆƆˈ ˈFƆ DHƐ ˈˈZAAN, -ˈMƐN -ZA ˈE IDEEDƖ- NƖAN DA ˈZƆN DA:
Dhɛɛdɩ -a ˈye -gwlɩi ˈsroo- ˈbho ɛntɛɛnɛtɩ ˈˈkpe -ɛ?
-Kawɛ -a ˈbhɛɛ -a ˈye ˈsrɩn nɩan ˈdhe Romains 16:17 ˈdhi ˈˈjhriɛ ˈˈdu sʋn nʋn -ɛn?