Dhɛwɛ- aʋ -za ˈo aʋ ˈye nʋn ˈdhe ɲɔnsoadhbho ɔˈ -zʋn -dhee -ʋan- jhia ˈdhi -ɛ?

Ɲɔnsoadhbho -nɩɛn- dhɩ -aa nʋan ˈdhe ɲɔnsoadhɛ ˈdhi -ɩan- poa Zoova ˈmʋnan in ˈˈdhe -ɩan- kuua -aaˈ ɲɔnsoadhɛ i. -ˈMɛn ɛ -kɔndɩ -a ˈye -aaˈ nɔnˈˈ -e ˈkpɩ aˈ klɛɛ ˈe po -a ˈyeɔ nʋn. (1Tm 4:15) Dhɛɛdɩ- -a ˈye dhɩ -aa ˈbɔan -a ˈyea nʋn ˈdhe ɲɔnsoadhɛ ˈdhi tɔˈ ˈˈkpei -naan -an? Dhɛ nɩan ˈo ɛ, dhɩ ˈbhɛɛˈ ɩn ˈye ˈɩ zian-. Dhɛ -aa ˈbɔan -a ˈyea nʋn -tɛnˈˈ -dhe ɛ, ɛ ˈbhɛɛˈ ɛ ˈse dɩ -kɔn in -dheeˈ ka -aeˈˈ -ˈnɩɩn -nɩn ˈo -a -ɲnian- ˈbho, -ˈmɛn -bho ɛ -nɩn -kaˈ a, -a ˈbɔn dhɛ -dhee ɛˈ nʋanˈ in.

-Da ɲɔnsoadhɛ ɛˈ -zʋn -dhee ˈsea -dee ɛ, ˈbhomɔn- -a ˈye dhɩ -aa ˈbɔan -a ˈyea nʋn ˈdhe ɲɔnsoadhɛ ˈdhi tɔˈ ˈˈkpei -naan. Aʋ se ˈbhɛɛ- aʋ ˈye ɩanˈ dɩ ˈtmʋn ˈbho aʋaˈ ˈˈgbuzɔncɛ ɛˈ Ɲɔnsoa ˈˈɲɩnzɔn- ˈˈkpe -wɛeˈ dhɛ -ˈnɔɔn ˈbhɛɛa ɔ ˈyea nʋn -aeˈˈ dhɛ aʋaˈ ˈˈgbuzɔncɛ ɛˈ klɛɛ ˈbhɛɛa ʋʋ ˈyea nʋn ɛn, aʋ ˈyeɛ jhibho-?

Dhɛwɛ- -za ˈo -ˈye nʋn ˈdhe dhɩ nɩan da ˈzɔn da aˈ dɩ ˈdhi -ɛ, ˈˈdhe ka -man nʋn -manˈ ˈˈjɛ kpɔˈˈ -po sʋn -wɛeˈ -ˈyɩ nʋn -ɛn?