ˈBhlei ɔˈ ˈmɛan anˈ -ˈgwlɩinaanzɔn-

1. Zoova, aa Bho nɩan e jhaʋn dhi,

Zɔn nɔn a nɩan dhi deeɛ fɔɩ

Dhe zɔn nɔn dhi mɔn toɛ da man cɛ nɩan kʋɔn kwla

Ka srɛa, nɩan tɔ dhi, bhlea ɩkman.

Man cɛ pʋʋ dhe bhlaajhu a saa mʋn.

Dhe maʋnglʋ dhi zeie man cɛ.

Zɩn duu zia, aa Bhlei toɛ o ɔɔ jɛ ɛ kmʋn.

Ɔ nʋɛn dɩ nɩn zaa ɲan ye o ɲnin.

2. Bho aa sa dipɛn e nmɔn nɔn jhe,

Aa poɛ Zeziˈɔ sraa dɩ glʋ bho.

Man Jhu ɔ kmʋn nɩɛn baan

ɲɩabʋ dhe a ye pʋ.

Ɔ kpʋɛn bhoo buin sʋ ɔ ye mɛn.

Bho a gboo dhrui zɩan ɛ nɩn a ye

Man Jhuˈɔ mɛan tɔ kpei naan.

Zezi ɔ kmʋn zeie

abʋ mɛn dhe mɛan kwa.

A ye kmʋn sea tian bhle jhe dhe ɲan.

3. Mɔn dhabʋ da zɩan dhe a nɩn da.

Ɛɛ dhɛ tu bhleɛ aa mʋnan jɛɛn.

Ɛ nɩn ɲʋndɩkman to

dhe Zezi ɔ saa mʋn.

Ɛɛ dɩ aa muɛn man Ɲnɩn bho bhlee.

Bha sa Zeziˈɔ mɛan dɩ glʋ bho po,

Ɛɛ nʋɛn aa yea mʋnan in nɩn.

Aa muɛn dhe Klisɩˈɔ gɔ dhi naan dhe aa kmʋn dhi.

Dhe a ye kmʋn an trɔn dhi dhe ɲan.