Dɩ aˈ ˈˈdhrujrasʋn ˈdhɔɛe

Ecclésiaste 12:13, 14

DHƐ KƆANDƖ -ˈYEA NƲN ƐN: ˈDhe -manˈ bo ɔˈ ˈˈdhrujraaˈ a, po ɲʋn -an poa ʋn -dheinˈˈ bho ˈkpɩ ʋʋ ˈye dhɛ ʋʋ ˈcɩan anˈ dɩ ˈŋwɔɔn- ˈˈdhe ʋʋ ˈyeɛ ˈˈjhriɛ ˈˈdu.

-KA -ˈYEA NƲN ƐN:

• Dɩ -ˈyea ˈo ˈˈkpe -jraa a, ɩn -nɩn -manˈ bo ˈye imuun-. -Manˈ bo ɔˈ ˈˈdhru -e dhɩ kɔandɩ ˈdhe ɔ ˈdhi ɛ, dɩ -jeɛ ˈˈkpe.

• Po ɲʋn -an poa ʋn -dheinˈˈ bho ˈkpɩ. ˈtmʋʋn- ʋbʋ dhɛ ʋʋ ˈyea nʋn -e dhɛɛdɩ- ʋʋ ˈyeɛ nʋn. -Manˈ -ghlusʋn ˈyeɛ -to -ka dea dhɛ -man ˈtmʋan -gwlɩˈˈ ɛ.

• -Manˈ bo ɔˈ ˈˈdhrujrasʋn anˈ tɛn -e ˈˈjhrii -dhe, ʋanˈ iˈŋwɔan anˈ kmanˈˈ -dhe -ke. -Manˈ za -e dɩ -dhee -ˈnɩɩn ˈˈbhlo -dhe. Dɩ -ˈyea ˈo ˈˈkpe ˈbhɔɔ- ɔ, ɩanˈ tɛn -e ˈˈjhrii -dhe -wɛeˈ dhɛ ʋʋ ˈyea nʋn ʋʋ ˈyeɛ jhibho-.