-Fie- -glʋˈ

-Ka Zezi nʋan

VIDEO: Zezi ɔ bhla bo ˈdhe Zase bho

1. -ˈJhe VIDEO i -aeˈˈ zro Luc 19:​1-7. -ˈMɛn -za ˈe ideedɩ- nɩn:

1. 1. Dhɛɛdɩ- ɲʋn -ˈnʋʋn an plee Zase i -dhe -ɛ?

2. 2. Dhɛwɛ- ˈˈtun Zezi ˈˈdhe ɔ bhla bo ˈdhe Zase bho -ɛ?

Dhɛ Zezi nʋan, dhɛwɛ- ɛɛ tɔɔn -abʋ -ɛ?

2. -A ˈye -glʋˈ -fie- -wɛeˈ -a ˈye -bo -bhlaaˈ ˈbhɛɛ- ˈdhe ɲʋn anˈ klɛɛ bho.

-Sraan Zezi

3. De Zoova -gwlɩˈˈ. Ɲɔnsoa aˈ -zuu -kuuɛ- Zezi i ɔ ye bo bhla. Ʋn ˈbhɛɛˈ ʋn ˈye ʋn ˈkpɩ ˈˈɲɩn -ke -ˈye bo bhla. (Mat. 10:​19, 20; Luc 4:18) Ɲʋn -ʋaˈ -bo bho -bhlaa ˈbhlea -manˈ -faʋn ɛn, bhae- Zoova ɔ ˈye ʋn -ˈglʋfiɛ ˈˈɲɩn -ˈye bo bhla ˈdhe ʋbʋ bho.—Actes 4:29.

4. -Manˈ ˈjhee- ɲʋn anˈ ˈpee -dhe. Ɲʋn anˈ -nɩn sʋn -e dhbho ʋbʋ a nʋan -e dhɩ ʋʋ ˈbhlea -e ʋaˈ kplɩn -aeˈˈ dhɩ ʋʋ dea -gwlɩˈˈ ˈbhɛɛˈ ɩn ˈyeɛ nʋn -aaˈ -pɛɛ ˈye i zee- ˈˈdhe -a ˈse bo -bhla i ˈdhe ʋbʋ bho. ˈKlaa -manˈ ˈˈmaeˈ -dhe:

1. 1. Zoova -e Zezi a ˈjhe ˈe ɲʋn anˈ -pɛɛ bho ˈmɛn. -A se ˈbhɛɛˈ -a ˈyeɛ nʋn.

2. 2. Zoova ˈbhɛɛˈ ɔ ˈye ɲɔn ooˈˈ ɲɔn sʋn bho po.

5. -Fie- -glʋˈ ˈklaa -ˈjhe ɲʋn ŋwɔn ˈˈdhe ˈsroo- ˈgwlɩi. (Mat. 10:16) -Nɩn ɲʋn anˈ kpʋʋn ˈˈŋwɛn -dhe. -Bho -nɩn ɲɔn ɔn sa ghwlu ˈˈdhe ɔ ˈse ˈbɔn ɔ ˈye -bɔyaˈˈ bo -dheinˈˈ bho po -aeˈˈ ɔɔ sa ˈbɔn ɔ ˈye ʋn dhɛsaʋn ˈˈdhrui nʋn ɛnˈ, -ˈmɛn ˈdhe dhɛŋwɔnjheɛ- ˈmʋn ɛn, -nɩn ɔ -ɲnaan -ghwluaˈ i.—Prov. 17:14.