Po -ˈman ˈˈjɛ ˈbho ɲʋn anˈ gɔˈˈ

-Ka Zezi nʋan

VIDEO: Zezi ɔ ˈjheɛ ɲʋn anˈ -ghwɛe-

1. -ˈJhe VIDEO i -aeˈˈ zro Marc 6:​30-34. -ˈMɛn -za ˈe ideedɩ- nɩn:

1. 1. Dhɛɛdɩ- Zezi -e ɔɔˈ dhɛcɩaʋn an ˈbɔn “ʋbʋ aˈ ˈsʋ” ˈye -da ˈˈzaan mun ʋʋ ˈye i -de -dhe -ɛ?

2. 2. Dhɛwɛ- ˈˈtun Zezi -wɛeˈ ɔ bhla bo ˈdhe ɲʋn -duuˈˈ -ˈnʋn bho -ɛ?

Dhɛ Zezi nʋan, dhɛwɛ- ɛɛ tɔɔn -abʋ -ɛ?

2. -Bho -aa sa -aa ˈˈjɛ ˈbho ɲʋn anˈ gɔˈˈ po ɛˈ, ɛ se -bɔyaˈˈ bo ɔˈ ˈsʋ -aa bhla ˈdhe ʋbʋ bho -nɩn ˈklaa, -aa poɛ ʋbʋ sʋn bho -ke.

-Sraan Zezi

3. Po ɲʋn -dheinˈˈ bho -kajɔɔnka. ˈˈTai- ɲɔn -man ghwlua ˈe bho i ɔ ˈye ʋn dhɛ nɩan ˈbho ɔ -gwlɩˈˈ ˈtmʋʋn-. -Manˈ cɛɔn ghwlu ˈˈŋwɛn -dhe. Dɩ nɩan ˈbho ɔ -gwlɩˈˈ -aeˈˈ dɩ ɔɔ ˈtmʋan, -manˈ poɩ ˈfɔ bho -dhe. -Bho -man sɔ -dheinˈˈ bho po -kajɔɔnka aˈ, -man toɛˈ -ka dɩ ɔ ˈbhleea -pɛɛ bho kɔan dɩ ˈdhee- ˈˈjhriɛ ˈdhe ɛ.

4. -Naan ɲɔn -ɔɔ ˈbɔan -ɔ ˈyea dhɛ i ˈŋwɔn ɔnˈ dɩ tɔˈ i. Tbha ˈo dɩ ɔ -nɩn ˈtmʋan ˈˈkpei -ˈye -manˈ ˈˈjɛ idee-:

1. 1. ‘Dhɛɛdɩ- ɛ -kɔn dɩ ɔ ˈye tɔˈdɩ ˈŋwɔn -ɔn?’

2. 2. ‘Dhɛ ˈdhɔɛeˈ -wɛ Biiblʋ ˈcɩan- ˈbhɛɛ ɛ ˈyeɔ ˈˈdhrui nʋn ˈzɩan -e ˈdhe ˈkmʋn anˈ ɲan -an?’

5. ˈTmʋn dhɛ ˈbhɛɛa -ɛ ˈyeɔ sʋn bho po ɛˈ dɩ. -Bho ɛɛˈ nɔnˈˈ nɩn ʋn ˈkwa aˈ, ˈˈdoo- -ˈyeɛ -to -ka Biiblʋ ˈcɩan- ˈbhɛɛa ɛ ˈyea ɔɔˈ ideedɩ ˈe -za ˈˈdhe ɛ ˈyeɔ sʋn bho po zɔn ooˈˈ zɔn ɔn.