Po -manˈ -bobhladhbho ˈˈkpe —-Jhii -maʋa- i -ˈye bo bhla ˈdhe ɲʋn bho

Dhɛ poa Zezi sʋn bho -wɛeˈ ɔ bhla bo ˈdhe ˈɲnʋnkpaoˈ ˈghlʋa Samali bho ɛ, ɛmɛn- -nɩn ɔ -nɩn ʋn bhla -maʋa-. Ka -a ˈbhɛɛ -a -ˈye nʋn -wɛeˈ -a -ˈye bo bhla ˈdhe ɲʋn -a sea jhibho- bho -ɛ?

• -A -kpʋʋn ɲʋn dhaiˈˈ sʋn ˈmʋn. Zezi seaˈ -dhe, ˈklaa ɔ bhla -bo. Ɔ ˈyea -ghluaˈ -dee ɛ, ɔ deeɛ- ˈnaanin in. Dhɩ -ˈnɩɩn -ˈbhɛɛa -ˈyea i-jhii -wɛeˈ -ˈyea bo bhla ˈdhe ɲɔn bho ɩn ka: -ˈBhɛɛ -ˈye ˈo ˈsɛ- -poɛ- ˈˈkpe -dee, ˈbho ɛ ˈdhe ɛ, nɔnˈˈ aʋ nɩan ˈe ˈdhi ɛ, -ˈbhɛɛ -ˈye ɔɔˈ dɩ ˈtmʋn, -aeˈˈ ˈtmʋn dɩ -ɩan- zia ˈbho aʋaˈ kpɔ ˈdhi ɩanˈ dɩ. Dhɛ ˈsea bho ˈˈmae- i ɛ, ɛmɛn- -nɩn ɛ -maʋa- -man ˈbɔn -ˈye bhla ke -tɛnˈˈ, -ˈmɛn dhɛ -ˈyea ˈtmʋn -wɛeˈ ɲʋn ˈyea -ʋn -dheinˈˈ bho po ɛ, ɛmɛn- ˈye ˈo ˈˈkpe -dee. -Bho ʋʋ se -manˈ ghlu aˈ kpa -za mɔnˈ -dhe ɛˈ, dhɛ ˈse ˈo ˈkɔ. -ˈBhɛɛˈ -ˈyeɛ ˈdɩn ɛmɛn -e ɲɔn -dhee -ˈnɔɔn -e. Bhae- Zoova ɔ ˈye ʋn ˈkpɩ ˈˈɲɩn.—Ne 2:4; Nʋ 4:29.

• -Jhii dhɩ aˈ klɛɛ i -ˈye bo bhla ˈdhe ɲʋn anˈ klɛɛ bho, -manˈ telɛˈ i -dhe. Nʋɛn ɛ ˈye -maʋa- ˈdhɔɛe -nɩn. -Bho -man sɔ ˈˈmlan ˈnɛn ɛnˈ, ɛ ˈbhɛɛˈ ɛ ˈyeɔ ˈcɛn po ˈˈdhe ɔ ˈye -maʋa i-ɲnaan. -Bo -man ˈbɔan -ˈyea bhla, -bho se ˈo ɔ ˈˈkpe ɲnin -wɛeˈ ɔ -ɲnaan -maʋa i ɛˈ, ɛɛˈ ghwa ʋn ˈkpɩ ˈˈɩ -dhe. -Bho -man sa ˈbɔn -ˈye -bobhlaa- -dee ˈdhe ɲɔn bho ˈˈdhe ɛ ˈbhle -manˈ -faʋn ɛnˈ, ˈcɩan ɛɛˈ nʋanˈ. [Po ˈo video 1, -ˈmɛn aʋ ˈtmʋn ɔnˈ dɩ.]

• -Bho aʋa sa -maʋa bhla aˈ, -ˈmɛn ˈtmʋn dhɩ dea -gwlɩˈˈ ɩanˈ dɩ. Nʋɛn -ke -wɛeˈ ɲɔn -ɔn poa -ʋn -dheinˈˈ bho ɛ, ɔ ˈye ˈe ideedɩ ˈe po. Dɩ Zezi ˈtmʋan ɩmɩn- nʋɛn -wɛeˈ ˈɲnʋnkpaoˈ -ˈnʋn po ˈe ideedɩ. Ɔɔ bhla bo ˈdhe ʋn bho ɛ, ɛ dɩ ʋn deea i ɛ, ɩmɩn- ɔ -za ˈe. [Po ˈo video ɔˈ 2 nɔn -ˈmɛn aʋ ˈtmʋn ɔnˈ dɩ, ˈbho ɛ ˈdhe po ˈo video ɔˈ 3 nɔn -ˈmɛn aʋ ˈtmʋn ɔnˈ dɩ -ke.]