KLETIƐN ƐNˈ ˈKMƲN
“Ɲɔnsoa aˈ ghwlu ˈdha dhɛ ˈmɛn ˈdhe aʋ ˈˈjhri ˈdhe?”
Dɩ Zoova ˈtmʋan -e ɔɔˈ tɔˈinaandhɩ- -nɩn ˈdhe Biiblʋ ˈdhi. (2P 1:20, 21) -Ka Ɲɔnsoa aˈ Bheɔglɔ ˈyea Zoova aˈ ɲʋnbhleɛ ɛˈ -gba ˈbhle ɛ, ɛmɛn- Biiblʋ a de -jeɛ ˈˈkpe. Biiblʋ a ˈˈɲɩɛn ɲʋanˈ klɛɛ nɩan da ˈbhlʋa ˈˈkpe -pɛɛɩtbhadhɛ- dhɛbhleɛ ʋn ˈnaan ʋaˈ ˈkmʋn an muɛn ˈdhɔɛe mʋn -nɩn ˈdhe ɲan. -Ka Zoova, -aaˈ ˈˈBho nɩan ˈdhe jhaʋn ˈdhi kman -aaˈ dɩ ɛ, ɛmɛn- Biiblʋ a tɔɔn abʋ -ke.—Ps 86:15.
Dhɩ -ɩanˈ dɩ Zoova aˈ ghwlu ˈdha dhɛ ˈdhe -a bho ɛ, ɩn ˈˈdiɛ ˈˈɩ. -Bho ɩn -nɩn anˈ mɔn -dhe ɛˈ, -aa zro Ɲɔnsoa aˈ ghwlu ˈdhii ˈmɛn zɔn ˈˈoo zɔn ˈˈdhe dɩ ʋan ˈtmʋan -aa ˈˈduɩ ˈˈjhriɛ ˈmɛn ˈdhe -aaˈ ˈkmʋn ˈdhi? ˈDhe -aaˈ nʋʋndhɩ ˈdhi ɛ, -a ˈyeɛ -to -ka -a -nɩn bhlei- ˈtmʋanˈ dɩ nɩn nan: “ˈˈOo Ɲɔnsoa, ˈɩn -kman -manˈ ghwlu aˈ dɩ.”—Ps 119:97.
-ˈJHE VIDEO ILS ATTACHAIENT DE LA VALEUR À LA BIBLE—EXTRAIT (WILLIAM TYNDALE) I, -ˈMƐN -ZA ˈE IDEEDƖ- NƖAN DA ˈZƆN DA.
Dhɛɛdɩ- Wiliamʋn Tɛndalɩ -jhaa Biiblʋ ˈdhe Gle ghwlu ˈdhi -ɛ?
Dhɛɛdɩ- dhbho ɔ nʋan -wɛeˈ ɔ -jhaa Biiblʋ ˈdhe Gle ghwlu ˈdhi -nɩn dhbho klaaˈˈ -a?
-Kawɛ Biiblʋ aˈ ˈsɛɩ- Tɛndalɩ -zaa ghwlu i nʋn ˈdhe Gle -bhlʋaˈ -pa sʋn -ɛn?
Ka -a ˈbhɛɛ -a ˈyeɛ -to dhueˈ dhueˈ -ka Ɲɔnsoa aˈ ghwlu ˈdha dhɛ ˈdhe -a ˈˈjhri ˈdhe -ɛ?