-Bho -aa sa -aaˈ ˈˈbhlitii- zɔn ɔnˈ dɩ kpɔˈˈ po ɛˈ, -aaˈ sraan ˈkmʋnkpeɲʋn -dhe

Kletiɛn -ˈˈwe -a ˈbɔan -ʋʋ ˈyea ˈˈbhlitii- ɛ, ʋʋ ˈbhleɛ dhɩ -duuˈˈ ʋʋ ˈye ɩ ˈcra ʋaˈ ˈˈbhlitii- zɔn ɔnˈ dɩ. Ɲʋn an mubʋ nɛn ˈˈkpe -de -wɛeˈ ʋʋ ˈye dhɩ klaɩˈˈ nʋn ˈbho ʋaˈ ˈˈbhlitii- -zɔn ˈˈkpe. Ʋbʋ aˈ -jhbhɛɛʋn- -e ˈdhoudhi -ˈˈwe a muɛn dhɛ ʋa ˈbɔan ˈdhe ʋaˈ ˈˈbhlitiiɛ ɛˈ dɩ ˈdhi ˈtmʋn- -ke. ˈKlaa Biiblʋ aˈ ˈsrɩn -wɛ ˈyʋbʋ sʋn bho po -wɛeˈ ʋʋ ˈye -glʋˈ ˈjɛʋn ˈbhle ˈˈdhe ʋʋ ˈse -ˈzɔndɩ ˈbhle i ˈbho ʋaˈ ˈˈbhlitii- zɔn ˈdhe -ɛ?

-ˈJHE VIDEO -Ɔ ˈƝNƖN NƖAN ˈˈBHLITII- -ZƆN -ƆN ˈBHƐA ZOOVA Aˈ ˈƝNƖN ˈˈƖN I, -ˈMƐN ZA ˈE IDEEDƖ- NƖN:

• Ka Biiblʋ aˈ ˈsrɩn nɩn nʋn Nikɩ -e Zuliana sʋn bho -po sʋn -ɛn?

  • 1Co 10:31

  • 1J 2:15, 16

  • Ga 5:19-21

  • 1Tm 2:9

• Kletiɛn -ˈˈwe ˈyea ˈˈbhlitii- ɛ, dhɛɛdɩ- ɲɔn ˈyea ʋaˈ ˈˈbhlitiiɛ ɛˈ fɛtɩ ɛˈ dɩ ˈˈdu ˈye ʋaˈ ˈdhoudhi -nɩn ʋbʋ nɩan ɲɔnsoagbu ˈdhi -nɩn -ɛn?—Jean 2:9, 10.

• -Ɛ ˈˈtun Nikɩ -e Zuliana -wɛeˈ dhɩ ʋʋ nʋan ˈbho ʋaˈ ˈˈbhlitii- zɔn ˈˈkpe ɛ, ʋʋ zɩ ˈo -ɛ?

• Dhɩ aˈ klɛɛ ˈyea -nʋʋɛn- ˈbho -aaˈ ˈˈbhlitii- zɔn ˈˈkpe ɛ, ɩanˈ dɩ -nɩɛn- ˈdhe ɲɔnwɛ- ˈkwa -a?—w06-F 15/10 25 § 10.