Aʋ -kuu -pɛɛ i ˈnɔn dhebhɔɔghwɩ ˈdhi

DHƐƐDƖ- Ɛ KƆANDƖ Ɛ: ˈDhe nɔnˈˈ -dhɛ ˈˈzaan ˈdhi ɛ, dɩ klaɩˈˈ ˈsea -nʋʋɛn- -kpɔ dhueˈ ɛ, ɩan muɛn -aaˈ -pɛɛ i -kuɛ -e Zoova aˈ -gwlɩdeɛ i ˈdɩn- -kenɛnˈ ɛ ˈye ˈo i zi. ˈBho pliegbi- -saɩn- anˈ i -zaaˈ ˈˈkpe ˈklejheɛ- klaaˈˈ ˈye -dee. (Mt 24:21; Ré 17:16, 17) Ɛgwɛ ˈdhe ɛɛˈ nɔnˈˈ tu ˈdhi ɛ, -aa muɛn ˈpeejhe bo -bhla. (Ré 16:21) Gɔgɩ ˈghwlʋa Magɔgɩ ɔ muɛn -aʋ tʋ bho -paa. (Éz 38:10-12, 14-16) Zoova a muɛn ɔɔˈ ˈcɛ bho ˈghwlʋ-, ˈbhomɔn- “Ɲɔnsoa ˈbhlea ˈˈɩkman- anˈ klɛɛ ɛˈ -zɔn klaaˈˈ aˈ tʋ” ˈye -dee. (Ré 16:14, 16) -Bho -a kpʋn ˈo Ɲɔnsoa ˈˈbun in ˈzɩan ˈdhe ˈkledɩ ˈdhi ɛˈ, ɛɛ muɛn -nʋn -aaˈ -pɛɛ ˈye i ku ˈbho ˈkledɩ- -a muan -jhi ˈdhe ɲan ˈˈjhibhaˈ.

KA -A ˈYEA NƲN ƐN:

• -Kuu -pɛɛ i -ˈye Zoova aˈ ˈtee ŋwɔn ˈjhe ˈˈdhe -ˈye ɩanˈ -gbaˈ ˈbhle.—Is 5:20

• Kpa ˈˈdhruigbooɛ ˈmʋn -muɛn ɲan ˈˈdhe -nɩn -manˈ ˈdhoudhi -ˈˈwe ˈye Ɲɔnsoa ˈˈɲɩn.—Hé 10:24, 25

• -Za -pɛɛ dhe -ˈye Zoova aˈ -glibha aˈ ˈsrɩn ŋwɔn ˈjhe.—Hé 13:17

• Dhɩ Zoova nʋan -wɛeˈ ɔ zeia ɔɔˈ ˈcɛ ˈdhe -tɛnˈˈ ˈkmʋn ˈdhi ɛ, -naaɩn tɔˈ ˈˈkpe i.—2P 2:9

• Bhae- Zoova, deɔ -gwlɩˈˈ.—Ps 112:7, 8

-ˈJHE VIDEO NƆN IN: DHƖ ˈYEA -NƲƲƐN ˈDHE ˈKMƲN ANˈ ƝAN -ƖN ˈDHE ˈDHI -A -ˈYEA -PƐƐ I-KUU Ɛ: ƐƐˈ ˈFƆ, -ˈMƐN -ZA ˈE IDEEDƖ- NƖN:

• 

  Ɲʋn kpa -bobhlaʋn ɲɔnsoagbi- -dhee ˈdhii ɛ, ka ɛ nʋn ʋaˈ dhɛŋwɔnjheɛ i ˈdɩn sʋn -ɛn?

• 

  Dhɛɛdɩ- dhɛŋwɔnjheɛ ɛ kuu -aaˈ -pɛɛ i -ɛ?

• 

  Dhɛɛdɩ- -aaˈ -pɛɛ ˈye i ku ˈbho Aamagedɔn ɛnˈ nɔnˈˈ -ɔn?

• 

  Biiblʋ aˈ -bo -wɛ ˈbhɛɛ -ɔ ˈye -aʋ sʋn bho po ˈˈdhe -a ˈyeɛ -gwlɩˈˈ de -ka Zoova ˈbhlea ˈˈɩkman- ˈyea -aʋ zeie- -ɛ?—2Ch 20:1-24