-Bho -aa sa Zoova aˈ ɲʋnkplɩnkwaiza- ˈŋwɔɔn ˈɛn, -aa toɛ ɲʋndɩkman-

-Bho ɲɔn nʋn dhɛsaʋn -wɛeˈ ɲʋn poɔ ˈzɔn ˈdhe ɲɔnsoagbu ˈdhi ɛˈ, ɛɛ tɛɛn ʋn dhɛsaʋn bho ˈˈdhe ɛɛ nʋɛnˈ -ke ɲɔn nʋan dhɛsaʋn ɔn ˈyea kplɩn ˈˈɩ zian. (1Co 5:6, 11) Ɲʋnkplɩnkwaiza- nɩan -kaˈ -ɛ ˈghwlʋa ˈe Zoova bho ɛ, -bho -aa sɛ ŋwɔn ˈjhe ɛˈ, ɛɛ toɛˈ -ka -a kman ɲʋn anˈ dɩ ɛ. -Bho ɲʋn po ɲɔn ˈzɔn, ɛɛ ˈˈzruɔˈ. Ɔɔ ˈˈgbuzɔncɛ -e ɲankɔʋn anˈ kpɔ -ɔɔ za ɲʋn kplɩn kwa i ɛ, ɛɛ ˈˈzruu ʋbʋ ˈmɛn -ke. -ˈMɛn dhɛɛdɩ- ɲʋn ˈnaan ɲɔn -ɔn ˈjhea ɛɛˈ dhɛ tu ŋwɔn -kman ɲʋn anˈ dɩ -ɛ?

Zoova aˈ ˈɲnɩn -e ɔɔˈ ˈtee gweai aˈ dɩ ɲʋn an nʋɛn -ˈmɔn ke -tɛnˈˈ. (1P 1:14-16) Ɛɛ toɛˈ -ke -ka -a kman ɲɔn ɲʋn poa ˈzɔn ɔnˈ dɩ ɛ. -Bho ɛɛˈ dhɛ tu ɛ sɔ -glʋˈ kpʋn mɔn -dhe ɛˈ, -bho ɛɛ sa ˈo ˈbhɔɔ, ɛɛ ˈˈɲɩɔn -baanˈ- ˈdhɔɛe -ɔ nɩan “ˈˈɩ ˈsrɛ.” (Hé 12:5, 6, 11) -Bho -a -nɩn ɲɔn ɲʋn poa ˈzɔn -aeˈˈ -ɔ -tɛɛan Zoova bho ɔ sa nan anˈ, ɛ nɩn -ka -aaˈ -kaan dhbho Zoova aˈ ɲʋnkplɩnkwaiza- ˈyea nʋn jie ɛ. Dhɛ -a ˈsea bho ˈˈmae- dhi ɛ, ɛmɛn- -nɩn “dhɛ nmɔan ˈo i” ɛ, ɛmɛn- Zoova aˈ nʋn -wɛeˈ ɔɔ za ɔɔˈ dhbhonʋʋn kplɩn kwai. (Jr 30:11) -Bho -aa sa Ɲɔnsoa aˈ ɲʋnkplɩnkwaiza- ˈŋwɔɔn, ˈˈdhe -aa sa -aaˈ ɲɔnsoadhɛ ˈˈjhriɛ ˈˈdu ˈɛ, -aa muɛn -gwlɩˈˈ -de -ka ɲɔn ɲʋn poa ˈzɔn ɔn muan ˈdhe ɔɔˈ ˈˈBho -ɔɔ ˈjhea ɲʋn anˈ -ghwɛe bho dhe -jhi ɛ.—Is 1:16-18; 55:7.

-ˈJHE VIDEO NƆN IN: KPƲN ˈO ƝƆNSOA ˈˈBUN IN ˈDHE -PƐƐ ˈˈGBA ˈMƲN, -ˈMƐN -ZA ˈE IDEEDƖ- NƖN:

• 

  -Bho ˈˈjhu se ˈbɔn ɔ ˈye Zoova ˈˈɲɩn -dheeka, ka ɔɔˈ ˈˈbho -e ˈdhou aˈ -pɛɛ -nɩn -ɛn?

• 

  -Bho ɲʋn po ɲɔn ˈzɔn ɔnˈ, ɔɔˈ ˈˈgbuzɔncɛ- kpʋan ˈo Ɲɔnsoa ˈˈbun in ɛn, -kawɛ ɲɔnsoagbu ˈbhɛɛ ʋn ˈyʋbʋ sʋn bo po -ɛ?

• 

  Biiblʋ aˈ -bo -wɛ -ɛɛ toɛ -ka ˈbho Ɲɔnsoa ˈˈbun in kpʋɛn kɔandɩ ɛ -ziia ˈˈgbuzɔncɛ ɛˈ ˈˈbun in -kpʋɛn -ɛn?

• 

  -Kawɛ -a ˈbhɛɛ -a ˈye ˈbho Zoova ˈˈbun in -kpʋɛn ɲankɔɔn- ˈbho -aaˈ ˈˈgbuzɔncɛ ɛˈ ˈˈbun in -kpʋɛn ˈˈjhibhaˈ -a?