-Za ˈo dhɩ -ˈyea nʋn ˈbho Zezi ɔˈ ˈmɛan anˈ -ˈgwlɩinaanzɔn ɔnˈ nɔnˈˈ

Zʋn ooˈˈ zʋn ɛn, Zoova aˈ -Bobhlaʋn an poɛ ʋaˈ ˈˈjɛ kpɔˈˈ -wɛeˈ ʋʋ ˈye -dadhueˈ ˈkpa ʋʋ ˈye Zezi ɔˈ ˈmɛan anˈ -ˈgwlɩinaanzɔn po. -Bho ˈdhɔɔ -sie- ɲan -wɛeˈ ɛ ˈye ˈo ɲnin -aeˈˈ -bho ɛ zi -wɛeˈ ɛ nʋn ˈdhɔɔ pla aˈ, -aa jhiiɛ dhɩ -duuˈˈ dhi -aa yea Zoova aˈ ˈɲnɩn ˈˈɩ ˈbhɛɛ ˈˈdhe -aa yeɔ ˈsɛ po zeieghwliɛ- ɛˈ dɩ. (Éph 1:3, 7) Dhɛ ɛˈ kpɔ dhueˈ -aa nʋan ɛmɛn- -nɩn, -aa za -pɛɛ dhe -aa yea ɲʋn ˈdha ʋa yea Zezi ɔˈ ˈmɛan anˈ -ˈgwlɩinaanzɔn ˈmʋn jhi. -ˈNʋʋn an poɛ ʋaˈ ˈˈjɛ kpɔˈˈ ʋa yea -jiezaʋn anˈ ˈsɔɔnpoʋn ˈkpa ˈˈdhe ʋa yea lɛɛ ɛˈ ˈˈjhri aˈ 30 -aeˈˈ 50 nʋn ˈdhe Touocʋ -aeˈˈ -Jilecʋ ˈdhi. -Man ˈbɔn -ke -ˈye -manˈ -bobhladhbho ˈˈkpe po ˈbho Zezi ɔˈ ˈmɛan anˈ -ˈgwlɩinaanzɔn ɔnˈ nɔnˈˈ? Dhɛwɛ- -ˈye nʋn ˈˈdhe ɛɛˈ nʋanˈ ˈye ʋn kwai ˈghwlʋ -ɛ?

-Zɔn -dhee -ˈnɔɔn -bho -a -sie- nɔnˈˈ ɲan ˈˈdhe -a po dhɩ kpɔˈˈ ɔˈ, -a ˈbhɛɛˈ -a ˈye dhɩ -duuˈˈ nʋn. (Pr 21:5) Zezi ɔˈ ˈmɛan anˈ -ˈgwlɩinaanzɔn ɔn ˈˈkʋaan in -sɔɔn -sɔɔn, -ˈmɛn -kaan -mɔn -a ˈye -aaˈ ˈˈjɛ kpɔˈˈ pooɛ -dee. -Ka -ˈyea nʋn ˈˈdhe -ˈyea -manˈ -bobhladhbho ˈˈkpe po ˈbho Zezi ɔˈ ˈmɛan anˈ -ˈgwlɩinaanzɔn ɔnˈ nɔnˈˈ -e dhɛ -ˈyea nʋn -wɛeˈ ɛɛˈ nʋanˈ ˈyea ʋn kwai ˈghwlʋ ɛ, -ˈnɛɛn tɔˈ ˈˈkpei. ˈBho ɛ ˈdhe ɛ, bhae- Zoova ɔ ˈye ˈkpɩ -man poa ˈe ˈˈniman po.​—1J 5:14, 15.

Dhɩ -dhee -ˈnɩɩn -nɩn ˈo -ˈbhɛɛ -ˈye i -jhii -ˈye -manˈ -bobhladhbho- ˈˈkpe po ˈbho Zezi ɔˈ ˈmɛan anˈ -ˈgwlɩinaanzɔn ɔnˈ nɔnˈˈ?