KLETIƐN ƐNˈ ˈKMƲN
Biiblʋ ˈdhiizroɛ- zɔn ooˈˈ zɔn -e tɔˈdhinɩɛn- ɛnˈ i ˈbɔɛn
Tɔˈdhinɩɛn- ˈghwlʋa ˈe Ɲɔnsoa bho ˈdha dhɛ -ka ˈˈghwlii- ˈˈduaˈˈ i nɩan. (Pr 2:1-6) Tɔˈdhinɩɛn- ɛn po -aʋ sʋn bho -aa yea tɔˈ i zela ˈˈdhe -aa yea ˈo dhɩ ˈjɛɩn za -aa yea nʋn. Ɛɛ nʋɛnˈ -aa yea -aaˈ ˈˈjɛ dhɛsaʋn bho tɛɛn. Ɛ nɩan -kaˈ a, ɛ “-kɔn dɩ ˈdhe dhɩ aˈ klɛɛ ˈˈklu”. (Pr 4:5-7) -A ˈye ˈe ˈkpɩ po -wɛeˈ -a ˈye ˈˈghwlii ˈˈdua i ˈdhe Ɲɔnsoa aˈ Ghwlu ˈdhi ˈjhe. -A ˈbhɛɛ -a ˈye -dee ˈbho Ɲɔnsoa aˈ Ghwlu ˈdhii -zroaˈ “zɔn -e glu -e”: zɔn ooˈˈ zɔn. (Jos 1:8) ˈSrɩn ˈbhɛɛa -ɩn ˈyea -aʋ sʋn bho po -wɛeˈ -a ˈyea Ɲɔnsoa aˈ Ghwlu ˈdhii zro jheejhee ˈˈdhe -a ˈye ʋanˈ ˈdhiizroɛ trɔnˈ ˈdhi ˈjhee- ɛ, ɩanˈ -ˈnɩɩn ka.
-ˈJHE VIDEO NƆN IN, ƝƲNJHAE- -ƲA ˈCƖAN ƝƆNSOA Aˈ GHWLU Aˈ DƖ -KMAN, -ˈMƐN -ZA ˈE IDEEDƖ NƖAN DA ˈZƆN DA:
Dhɛɛdɩ- Biiblʋ ˈdhiizroɛ- zɔn ooˈˈ zɔn -nɩn ˈkle ˈdhe ɲʋnjhae -ˈnʋn bho -dhe -ɛ, ˈˈdhe dhɛ pʋbʋ sʋn bho -ɛ?
Melani
Samiɛɛ
Selinɩn
Rafaɛlo
ˈMAN BIIBLƲ ˈDHIIZROƐ- Ɛˈ NƆNˈˈ ƆNˈ -DESƲN-: