-Man nʋʋn Biiblʋ aˈ ghwlu ɲʋn kpʋan dhbho ˈmɛn -kajɔɔnka?

-Ɛ -nɩn Biiblʋ a ghwlu ɲʋn kpʋan -an? Ɛ nɩn Biiblʋ Traduction du monde nouveau ɲʋn -zaa ghwlui -dheeˈ ˈmʋn ʋanˈ ghwlu ɲʋn kpʋan. -Ka ɲʋn an kpʋan ʋanˈ ghwlu -ˈkamɔn ɲʋn an pʋ kpaeˈˈ ˈdhe ghwlu aˈ kpɛ -duuˈˈ ˈdhi. Dhɛ ɛˈ kpɔ dhueˈ ɲʋn an dea ˈˈjhriɛ ˈˈkpe mɛn- -nɩn ɲɔn ooˈˈ ɲɔn -ɔɔ ghwlu ɲʋn an ˈŋwɔan ˈdhe Biiblʋ ˈdhi ɛ, ɔ ˈbhleɛ ɔɔˈ -ghwlusʋn anˈ -ka. -Ka ɲʋn nʋan ʋanˈ ˈdhii -zro sʋn ɛn, ɛɛ ˈtʋɛn ɲʋn anˈ -pɛɛ dhi . Ɛɛ nʋɛnˈ ɲʋn an yea dhɛ Biiblʋ a ˈtmʋan i ˈŋwɔn.

Biblʋ aˈ ghwlu ɲʋn kpʋan, -kawɛ ɲʋn -ˈnʋʋn an nʋn trɔnˈ ˈdhi ˈjhee- sʋn -ɛn? Ɲʋn anˈ -da -duuˈˈ -a poa Biiblʋ aˈ ghwlu ɲʋn kpʋan -dheinˈˈ bho jheejhee ɛ, dhɛ -ɛɛ nʋan ʋbʋ ˈtʋn ɛmɛn- -nɩn ɛɛ nʋɛnˈ ʋa yea dɩ Ɲɔnsoa aˈ Ghwlu a ˈtmʋan ˈˈkpei ˈjhe. Ʋʋ ˈnaan ɛ nɩn -ka ʋaˈ ˈjhea dhɩ -ɩanˈ dɩ Biiblʋ a ˈtmʋan anˈ fimʋn in ɛn. Ɛɛ nʋɛn ʋaˈ yea dhɛ ˈcrea i ˈŋwɔn. (Pr 4:5) Dhɛ ʋa ˈtmʋan -ke ɛmɛn -nɩn, -bho ʋbʋ ˈˈzru ɛˈ, Biiblʋ aˈ ghwlu ɲʋn kpʋan an ˈpɛɛn ʋaˈ -pɛɛ i.​—Ps 94:19.

Ɲɔnsoa aˈ Ghwlu ɲʋn zroa ʋanˈ -dheinˈˈ bho -poɛ ˈbhɛɛ ɛ ˈye -aaˈ ˈkmʋn ˈˈɩ zian-. (2Ch 34:19-21) -Bho Biiblʋ aˈ ghwlu ɲʋn kpʋan anˈ fɔˈ -aeˈˈ ʋanˈ klɛɛ -nɩn ˈe ghwlu -man ˈŋwɔan in ˈdhi ɛˈ, -ˈbhɛɛˈ -ˈye ʋan -dheinˈˈ bho -poɛ ˈdhe dhɩ -man nʋan jheejhee ˈdhe -ˈman ˈkmʋn ˈdhi ˈˈklu po?

-ˈJHE VIDEO NƆN IN BIIBLƲ Aˈ GHWLU KPƲƐN-: ƆƆˈ ˈFƆ DHƐ ˈˈZAAN, -ˈMƐN -ZA ˈE IDEEDƖ- NƖAN DA ˈZƆN DA:

Dhɛwɛ- -ɛɛ nʋn ʋn ˈtʋn ˈdhe Biiblʋ aˈ ghwlu kpʋɛn- ɛnˈ dhbho ˈdhi?