ˈˈƖ ˈgba- -e -aaˈ tɔˈinaandhɩ -e

Ɛ se ˈdhe -aaˈ ˈtmʋʋndɩ -e -aaˈ nʋʋndhɩ aˈ ˈsʋ ˈdhi -mɔn -aa toɛ -ka -a -ˈgba ɩˈˈ -nɩn, ˈklaa -aaˈ tɔˈinaandhɩ -nɩn ˈe ˈmɛn -ke. (Ps 19:14) Ɛɛˈ dɩ, Biiblʋ a ˈtmʋʋn -abʋ -a ˈye dhɩ aˈ klɛɛ nɩan tɔˈdɩ, dhɩ aˈ klɛɛ nɩan ŋwɔn ˈjhe ka, dhɩ aˈ klɛɛ ˈsrɛa ɩˈˈ, dhɩ aˈ klɛɛ gwɛa i, dhɩ aˈ klɛɛ -ɩanˈ dɩ ɲʋn ˈbhɛɛa ɲʋn ˈyea -kman, dhɩ aˈ klɛɛ ˈbhlea ˈɲnɩn ˈdhɔɛeˈ, dhɩ aˈ klɛɛ ˈdha dhɛ -e , dhɩ aˈ klɛɛ nɩan dɩ bho -po ka aˈ dɩ tɔˈ ˈˈkpei -naan. (Php 4:8) Ɛ tɔˈdɩ- -a se ˈbhɛɛ- -a ˈye tɔˈinaandhɩ -saɩn jie dhe -kaan jheejhee -wɛeˈ ɩn ˈse ˈdhe -aaˈ tɔˈ bho ˈkpa i. Ɛ nɩan -kaˈ a, -aaˈ ˈˈjɛ ˈˈŋwɛn ˈbhɛɛ ˈye -aʋ sʋn bho po -wɛeˈ -a ˈye tɔˈinaansʋn -saʋn ˈdhe -aaˈ ˈˈdhru ˈdhi -za ˈˈdhe -a ˈye tɔˈinaansʋn ˈjɛʋn ˈbho ʋanˈ gɔˈˈ po. -Bho -aa sa ˈˈɩ ˈgba- ɲan kpa ˈdhe -aaˈ tɔˈ bho ɛˈ, ɛɛ muɛn -aʋ sʋn bho -po -a ˈye ˈˈɩ -ˈgba ˈdhe -aaˈ nʋʋndɩ ˈdhi.—Mc 7:​21-23.

ˈBho Biiblʋ aˈ ˈˈjhri -ˈnɩn zɔnˈ ɔn, ˈcre tɔˈinaansʋn- -a ˈyea bho vɔn:

Rm 12:3

Lc 12:15

Mt 5:28

Php 3:13