ˈCƖAANDHƐ- 7

ˈTmʋʋndɩ- nɩan -tɔˈdɩ -e -gwlɩˈˈ -de ka

Lukɩ 1:3

DHƐ KƆANDƖ -ˈYEA NƲN ƐN: Dhɩ -man ˈtmʋan ˈye -gwlɩˈˈ -de ka -nɩn, ɛɛ muɛn -nʋn ɲʋn -an poa ʋn -dheinˈˈ bho ˈyɩ jhibho- -ka -man ˈtmʋan -tɔˈdɩ ɛ.

ˈSɛɩ- -ɩn ˈdhe ˈdhi -man za bo ˈye -gwlɩˈˈ -de ka -nɩn. -Dɩ -man ˈtmʋan ˈye ˈo Biiblʋ ˈˈkpe i tbha, -ˈbhɛɛˈ mɔn -ˈyʋ ˈdhii zro. -Bho -man sa ˈbɔn -ˈye dhɩ jhia -aʋ ˈdhe i -e -manɩanˈ -e dhɩ -jhiia ɲʋn in anˈ dɩ ˈtmʋn ɛnˈ, ˈsɛɛ- ɩn ˈghlʋa ˈe ˈdhi ɛ, ɛ ˈye -gwlɩˈˈ -de ka -nɩn.
Dhɩ -man za bo ˈdhii ɛ, -nʋʋɩn dhbho -kajɔɔnka. Biiblʋ ˈa ˈˈjhriɛ- -ˈyea zro ɛ, ɛ -nɩn dɩ jhiɛ ˈdhe i -e dhɛ Biiblʋ a tɔɔan ɲʋn -e ˈsɛɩ- ‘-kʋɔn- ˈsrɛaˈˈ ˈˈdhe -ɔ -cɩan ˈˈjhrii’ ˈcrea ˈye -je -dhueˈ kpa. (Mat. 24:45) ˈSɛɩ- sea ɲɔnsoasɛɩ- -nɩn ɛn, -bho -man sɩ bo ˈdhi za aˈ, -manˈ zian dhɛ ooˈˈ dhɛ ˈˈɩ -dhe ˈdhe ɩn ˈdhi.

Dɩ ɲʋn ˈtmʋan, -manˈ zii ˈˈje -dhe. -Bho ɲʋn ˈnaan “ɲʋn -ˈnʋʋn” ɛnˈ, -manˈ nʋn -e ka -dhe “ɲʋn anˈ klɛɛ.” -Bho ɲʋn ˈnaan “ˈdhe dɩ -ˈnɩɩn ˈdhi” ɛˈ, -manˈ nʋn -e ka -dhe “ˈdhe dɩ aˈ klɛɛ ˈdhi.” -Bho ɲʋn ˈnaan “ɛgwɛ ɛ nɩn ɔmɔn-” ɔnˈ, -manˈ nʋn -e ka -dhe “ɛ nɩn ɔmɔn-.”
Toɛ -ka dhɛ -man ˈtmʋan nɩan -tɔˈdɩ ɛ. -Bho zro Biiblʋ aˈ ˈˈjhriɛ ˈdhii -aeˈˈ -za bo ˈdhe ˈsɛɛ- -dhueˈ ˈdhi ɛˈ, -ˈmɛn po ˈe ideedɩ- -ˈyeɛ nʋn -wɛeˈ ɲʋn -an poa ʋn -dheinˈˈ bho ɛ, ʋaˈ ˈˈjɛ ˈyeɛ -tɔˈ ˈˈkpe i -naan ˈˈdhe ʋʋ ˈyeɛ iˈŋwɔn.