Kletiɛn -ˈˈwe gwlea ˈe ɲɔnsoadhbho ˈdhi ɛ, dhɛwɛ- ʋʋ ˈbhɛɛ ʋʋ ˈye -aʋ -tɔɔn?

-Aaˈ ɲɔnsoagbi ˈdhii ɛ, ˈdhoudhi -ˈˈwe -nɩn ˈe -ʋʋ -gwle ˈe ɲɔnsoadhbho ˈdhi. -Ka ʋʋ nʋan Zoova -gwlɩˈˈ -de sʋn ɛn, ɛ ˈbhɛɛˈ ɛ ˈye -aʋ sʋn bho po. -A ˈbhɛɛˈ -a ˈyʋbʋ i -dee ʋʋ ˈye Zoova aˈ -glibha aˈ bo bhla ˈˈdhe -ka Zoova nʋbʋ sʋn bho po sʋn -wɛeˈ ʋʋ ˈjha ʋaˈ ˈkledɩ ˈˈdhru ɛ, ʋʋ ˈye ɛɛˈ dɩ ˈtmʋn. ˈBho -aaˈ ˈˈgbuzɔncɛ ɛˈ Ɲɔnsoa ˈˈɲɩn zɔn ˈˈkpe ɛ, -a ˈbhɛɛˈ -a ˈyʋbʋ aˈ dhueˈ ˈdha -wɛeˈ ɔ ˈye dhɩ Zoova nʋan ɔ ˈjhea ɩanˈ dɩ ˈtmʋn.

-Bho -gwle ˈe ɲɔnsoadhbho ˈdhi ɛˈ, dhɩ Zoova poa ʋn sʋn bho nʋan, -za -pɛɛ ˈkwla -ˈye ɩanˈ dɩ ˈtmʋn ˈdhe ɲʋn -jhae bho. Dhɩ Zoova nʋan ɔ ˈˈɲɩan Zakɔbʋ -e Zozɛʋ ɛ, ʋʋ ˈtmʋn ɩanˈ dɩ ˈmɛn ˈdhe ʋaˈ ˈˈɲnuun bho. (Gn 48:21, 22; 50:24, 25) Zoova ˈˈduɛ Israɛkɔʋn ˈsrɩn ʋʋ ˈye dhɩ klaɩˈˈ ɔ nʋan anˈ bo bhla ˈdhe ʋaˈ ˈˈɲnuun bho. (Dt 4:9, 10; Ps 78:4-7) ˈZɩan -ke ɛ, ˈˈɲnuunbhleʋn -e ɲʋn nɩan ˈe ɲɔnsoagbu ˈdhi ˈbhɛɛˈ ʋʋ ˈye dhɩ klaɩˈˈ Zoova a jhiia ɔɔˈ -glibha i ɔɔ nʋan anˈ bo bhla ˈdhe ɲʋn -jhae bho.

-ˈJHE VIDEO NƆN IN: -BHO ƝƲN -ƝNAAN -AAˈ -BOBHLADHBHO -E ˈˈDHRUIGBOOƐ I -DHE Ɛ -A ˈŊWƆƆN- GHWLU I, -ˈMƐN -ZA ˈE IDEEDƖ NƖN:

• ˈBhlʋɩ- -ˈnɩɩn -ɩn ˈdhe ˈdhi ɲʋn -ɲnaan -aaˈ -bobhladhbho -e ˈˈdhruigbooɛ i ɛ, ka Betɛɛ nɩan Otrisɩ nʋn ˈdhoudhi -ˈˈwe nɩan ˈe sʋn bho -po sʋn -ɛn?

• Ka ˈdhoudhi -ˈˈwe nɩan ˈe nʋn -wɛeˈ ʋaˈ dhɛgwlɩdeɛ ˈse ˈghwla -a?

• Dhɛɛdɩ- -bobhlaʋn anˈ -da -duuˈˈ nɩan Rumanin ˈghwlʋ ˈe Zoova aˈ -glibha ˈdhi -dhe -ɛ, ˈˈdhe ka ʋʋ nʋn dhejhi- sʋn -ɛn?

• Ka -bo nɔn ɔn nʋn -manˈ dhɛgwlɩdeɛ i -kuu sʋn -ɛn?