“ˈMʋnan nʋn ɲʋn nɩan -ghwɛe ˈdhi!”

1. Ɲɔnsoa Zoovaˈa jheɛ ɲʋn an ghwɛe,

Dhe ɔ nmɔn dhi ŋwɔn dhe ɲʋn bho.

Ɔɔ bhleɛ ɲʋn dhɛdhɛ nɔn oo nɔn,

Ɔɔ duɛ aa dɩ ke zɔn oo zɔn.

Ɲʋn ʋa cɛan ʋa dhɛsaʋn ɛn gɩn

Dhe ʋa bhoɛ bho ɔɔ jhʋbʋˈa ghwɛe.

Ka glɔɲiɔn nɩan bhlʋ ɔ jhibhi.

Aa Ɲɔnsoaˈa jheɛ ɲʋn an ghwɛe.

2. Bho dhɛ a nʋan ɛ zruu abʋ

Dheˈa ye gɩn cɛn dhe Ɲɔnsoa bho,

Ka yea ghwlu sʋn nʋn, Zezi toɛ.

Ɔ naan a ghwlu a ye ka nʋn:

“Ɲɔnsoa ghwlʋ man dhɩsaɩn kpe,

Ka man ghwlʋa ɲʋn nʋʋn an nɩn kpe.”

A bhɔ ɲʋn an dɩ dhi po ɛ,

Ɛɛ muɛn nʋn dhe aa pɛɛ ye bhlu.

3. A nɩn ɲʋn ʋa za dhɛ kwai,

A nʋɛn dhe ɲʋn an dɩkman mʋn.

A bhɔɛ nʋɛn bho ɲʋn jhibha,

Dhe ɲʋn ye abʋ dɩ bho po.

Ɲɔnsoa ɔɔ jhea nʋʋndhɩ a klɛɛ,

Ɔɔ deɛ aa nʋʋndhɩ jhriɛ kpe.

Mʋnan nʋn ɲʋn nɩan ghwɛe dhi.

Ʋʋ nmɔn dhe Ɲɔnsoa jhri dhei.