-A po bha ˈkpɩ dhueˈ dhueˈ

1. A po bha kpɩ dhe ɲɔnsoagbu dhi,

dhe a ye ɲɔnsoadhbho ɲan kpa.

Bha nʋɛn, aa bhaˈa dɩkman ye ɲan mun,

dhe aa dhoudhi ghwlʋa ye kpʋn.

Dɩkman ɛ nɩan dhe Ɲɔnsoaˈa cɛ klu,

ɛɛ nʋɛn ʋa yea bha sʋn bho po.

Dhe ɲɔnsoagbu dhi ʋʋ deɛ flɛ mʋn.

Dhɛ oo dhɛ se ʋa faʋn bhle.

2. Ɲʋn kpɩ po ghwlu nɩɛn ka ghwliɛ nɩan.

Ghwlu dhɔɛe ʋan poa ɲʋn mʋnan dhi.

Bho dhoudhi we a sa bha kpɩ po,

dhɩ ʋa tmʋanˈan duɛ ɲʋn dɩ gwlɩi.

Bho aa sa dhbho nʋn dhe ghwluiŋwɔɔɛn mʋn,

ɛɛ nʋɛn aa ya tɔ nɩan dhue bhle.

Ɲɔnsoaˈa muɛn aa dhbho niman po sʋ,

dhe a ye bha kpɩ po dhue dhue.

3. Ɲɔnsoa Zoovaˈa zɔn klaa se bho tɛɛn,

ɛɛ dɩ a ye jhriɛ ide.

Aa klɛɛ kpɛ ye Ɲɔnsoaˈa Ghwlu ŋwɔn jhe,

a mun dhe aa dhruigbooɛ mʋn.

Aa bɔn a ye dhe kmʋn dhee dhi nɩn,

dhe a ye ɲɔnsoadhbho ɲan kpa.

A kpa dhoudhi ɔ kpɩ poɛ ɲan sʋ

a ye bho Ɲɔnsoa buin kpʋn.