-Bho nʋn dhɛsaʋn- klaaˈˈ ˈdhe?

-Bho -kman Zoova aˈ dɩ ˈjɛɛn- ˈˈdhe ˈse ˈbɔn -ˈye dhɛ -ɛ ˈyeɔ ˈˈzruu- nʋn -mɔnˈ -dhe ɛˈ, -ˈbhɛɛ -ˈye dhɩ -ˈnɩɩn nʋn -zɔn -ˈnɔɔn -ɩn ˈse ˈˈjhriinmɔn- in. ˈKlaa, dhɛ -ˈyea jhibho- -mɛn -nɩn, dhɩsaɩn- -ˈnɩɩn -nɩn ˈo -ɩn -ɲnin ˈˈjhrii -ɩn -zii -ˈnɩɩn. (1 Corinthiens 6:9, 10) -ˈMɛn -bho nʋn dhɛsaʋn klaaˈˈ aˈ, -ˈbhɔ ka -nʋʋɛn Zoova se ˈbhɛɛ- ɔ ˈye -manˈ dɩ -kman ˈbhodhe. -Manˈ ˈˈmaeˈ -dhe -ka ɔ nɩɛnˈˈ ˈjɛɛn- ɔ ˈyea -manˈ dhɛsaʋn ˈˈkpe ˈghwlʋ ˈˈdhe ɔ ˈyea ʋn sʋn bho po -ke ɛ.

1. Dhɛwɛ- -a ˈye nʋn -wɛeˈ Zoova ˈye -aaˈ dhɛsaʋn- ˈˈkpe ˈghwlʋ -ɛ?

Ɲʋn kman Zoova aˈ dɩ ɛ, -bho ʋʋ nʋn dhɛsaʋn klaaˈˈ aˈ, ɛɛ kpʋbʋ -glʋˈ ˈjɛɛn-. ˈKlaa dhɛ Zoova ˈtmʋan -ɛɛ ˈˈdubʋ dɩ -ˈgwlɩi ɛ ka: “-Bho aʋaˈ dhɩsaɩn- -nɩn -ka dhɛ -zaan nɩan -mɔnˈ -dhe ɛˈ, ɩan muɛn ˈˈplu- -ka ˈˈcɛ kpleˈˈ nɩan.” (Isaïe 1:18) -Bho -a jhibho- -aaˈ dhɩsaɩn ˈˈɩn ˈˈdhe -a ˈbhʋɩ bho ɛˈ, Zoova a muɩn ˈˈkpe ˈghwlʋ-. Ka ɲɔɔn nʋn ɛnˈ -to sʋn -ka ɔ jhibha ɔɔˈ dhɩsaɩn ˈˈɩn -ɛn? Ɔɔˈ -jhei -tu ɛ, ɔɔ ˈˈzruu dhɛsaʋn- ɔ nʋan ɛɛˈ dɩ ˈˈdhe ɔɔ ˈbhɔɛ bho. ˈBho -ˈmɛn ˈdhe ɛ, ɔɔ bhaeɛ Zoova i ɔ ˈye ɔɔˈ dhɛsaʋn ˈˈkpe ˈghwlʋ. Dhɛ -ˈnɛɛn ɔɔ nʋan -mɛn -nɩn, tɔˈinaansʋn -e dhɩ nʋɛn -wɛeˈ ɔ ˈkpa ˈe dhɛsaʋn- ˈdhi ɛ, ɔɔ tɛɛn ɩn bho ˈˈdhe ɔɔ poɛ ˈe ˈkpɩ ɔɔ yea Zoova aˈ ˈsrɩn ˈˈjhriɛ ˈˈdu.​—Zro Isaïe 55:6, 7.

2. Ka Zoova a nʋn ɲankɔʋn- i -jhii sʋn ˈˈdhe ɔɔ po ɲɔn nʋan dhɛsaʋn sʋn bho -ɛ?

Zoova ˈnaan ɲɔn nʋan dhɛsaʋn klaaˈˈ a, ɔ “ˈdha ɲankɔʋn nɩan ˈe ɲɔnsoagbu ˈdhi.” (Zro Jacques 5:14, 15) Ɲankɔʋn -kman Zoova -e ɲʋn -an ˈˈɲɩɔn ɔnˈ dɩ. -Ka ʋʋ ˈyea nʋn ˈˈdhe ʋʋ ˈyea -aʋ sʋn bho po -wɛeˈ -a -nɩn Zoova ˈyea jhbhɛɛ- -dheeˈ ka a, ʋʋ jhibhɛˈ.​—Galates 6:1.

Ka ɲankɔʋn an nʋn ɲɔn nʋan dhɛsaʋn- klaaˈˈ sʋn bho -po sʋn -ɛn? Ɲankɔʋn- ˈsɔɔn -aeˈˈ taan muɛn Biiblʋ i -jhii ˈˈdhe -ka dhɛ ɔ nʋan sea ˈˈjhriinmɔn- ɔn, ʋʋ ˈyeɔ sʋn bho po ɔ ˈyeɛ i ˈŋwɔn. Ʋa muɔn ˈsrɩn ˈˈɲɩn- -wɛeˈ ɔ -saˈ dhɛsaʋn -ˈnɛn dhe -za. -Bho ɲɔn nʋn dhɛsaʋn- klaaˈˈ -wɛeˈ ɔ seɛ ˈˈɩ -jhibho- ɛˈ, ɲankɔʋn an muɔn ˈzɔn -po. Ɛ ˈyeɛ nʋn ɲʋn nɩan ˈe ɲɔnsoagbu ˈdhi -saˈ ɔɔˈ kplɩn saɩn- ˈˈkpe saˈ.

KPA DHƐ I ˈŊWƆƐN ƝAN

3. Dhɛsaʋn ˈˈɩ -jhibhɛ ɛɛ nʋɛnˈ -a -nɩn Zoova yea jhbhɛɛ -kenɛnˈ

-Bho -a nʋn dhɛsaʋn ɛnˈ, ɛɛ kpʋɛn Zoova -glʋˈ. Ɛ -nmɔn ˈo dhi -a ˈye -aaˈ dhɛsaʋn- ŋwɔn -za ˈdhe ɔ bho ˈˈdhe -a ˈyeɛ ˈˈɩ jhibho-. Zro Psaume 32:1-5 -ˈmɛn aʋ ˈtmʋn ideedɩ- nɩn anˈ dɩ:

• -Bho ɲɔn nʋn dhɛsaʋn ɛnˈ, dhɛɛdɩ- ɛɛˈ ŋwɔn -zaa ˈdhe Zoova bho ˈˈpaa- ɛ -zii ɛɛˈ i ˈˈdua -a?

VIDEO: “Ɲʋn -anˈ dɩ Zoova kman an, ɔɔ zʋbʋ kplɩn kwai” (3:01)

• Ka ɲankɔʋn- nʋn Kanɔn ɔnˈ sʋn bho -po sʋn ˈˈdhe ɔ jhi ˈe Zoova bho dhe -ɛ?

Dhɛsaʋn -a nʋan, -a ˈye ɛɛˈ klɛɛ ɛɛˈ dɩ ˈtmʋn ˈdhe ɲankɔʋn bho ˈˈdhe ʋʋ ˈye -aaˈ sʋnbhopoɛ- ˈbhɛɛ-. Zro Jacques 5:16, -ˈmɛn aʋ ˈtmʋn ideedɩ- nɩn anˈ dɩ:

• Dhɛɛdɩ- ɲɔn nʋan dhɛsaʋn ɛn, ɔɔˈ sʋnbhopoɛ- se ˈˈɩkman- ˈdhe ɲankɔʋn bho -bho ɔ ˈtmʋʋn ʋbʋ dɩ aˈ klɛɛ -ɛ?

4. Zoova a ˈjheɛ dhɩsaɩnʋʋn anˈ -ghwɛe-

Ɲɔn nʋan dhɛsaʋn klaaˈˈ -wɛeˈ -ɔ ˈsea ˈbɔn -ɔ ˈyea ˈtee Zoova dea ˈo dhi ŋwɔn ˈjhe ɛ, ɲʋn an poɔ ˈzɔn, ˈˈdhe ɔ se ˈbhɛɛ- ɔ -nɩn -a ˈye -nan. Zro 1 Corinthiens 5:6, 11 ˈdhii, -ˈmɛn aʋ ˈtmʋn ideedɩ- nɩn anˈ dɩ:

• -Bho ɲʋn po ˈˈbuudhɛ- ˈdhe fai bho ɛˈ, dhɛwɛ- -ɛɛ nʋʋɛn -ɛn? Dhɛsaʋn- -nʋʋɩn -ɔ sea ɔɔˈ dhɛsaʋn ˈˈɩn jhibho- ɛ, dhɛwɛ- ɔɔˈ kplɩn ˈbhɛɛ ɩn ˈye ɲʋn nɩan ˈe ɲɔnsoagbu ˈdhi ˈˈdhrui nʋn -ɛn?

-Ka Zoova a nʋan ɲʋn nʋan dhɩsaɩn anˈ ˈbhle sʋn ɛn, ka ɛɛ nʋɛn ɛnˈ -to sʋn -ka ɔɔ ˈŋwɔan ɲʋn anˈ dɩ iˈ, ɔɔ ˈghwlʋaˈ ɲʋn anˈ dhɩsaɩn ˈˈkpe ˈˈdhe ɔ kman ɲʋn anˈ dɩ -ɛ?

5. Ɲɔn jhibha ɔɔˈ dhɩsaɩn ˈˈɩn ɛn, Zoova a ˈghwlʋɛ ɔɔˈ dhɛsaʋn- ˈˈkpe

-Bho ɲɔn jhibho- ɔɔˈ dhɛsaʋnˈˈ ɛnˈ, -ka ɛ nɩan ˈbho Zoova -gwlɩˈˈ ɛ, Zezi -jhiiɛ- ˈˈɩpoodɩ i ɔ ˈye ɛɛˈ dɩ ˈtmʋn. Zro Luc 15:1-7, -ˈmɛn aʋ ˈtmʋn ideedɩ- nɩn anˈ dɩ:

• Dhɛwɛ- ˈˈɩpoodɩ- -ˈnɩn an tɔɔn -abʋ ˈdhe Zoova aˈ dɩ ˈdhi -ɛ?

Zro Ézéchiel 33:11, -ˈmɛn aʋ ˈtmʋn ideedɩ- nɩn anˈ dɩ:

• Dhɛwɛ- -ɛɛ toɛ -ka ɲɔn jhibha ɔɔˈ dhɛsaʋnˈˈ -ɛn?

DHƐWƐ- ˈCƖAN-?

-Bho ɲɔn nʋn dhɛsaʋn- -wɛeˈ ɔ jhibhɛˈˈ ˈjɛɛn ˈˈdhe ɔ ˈbhɔɛ bho ɛˈ, Zoova a muɛn ɔɔˈ dhɛsaʋn- ˈˈkpe ˈghwlʋ-.

Dhɛwɛ- -ˈŋwɔn in -ɛn?

• Dhɛɛdɩ- ɛ -nɩn dhɛjɛɛn- -a ˈye -aaˈ dhɛsaʋn ŋwɔn -za ˈdhe Zoova bho -ɛ?

• -Bho Zoova ˈye -aaˈ dhɛsaʋn ˈˈkpe ˈghwlʋ ɛˈ, dhɛwɛ- -a ˈye nʋn -ɛn?

• -Bho -a nʋn dhɛsaʋn- klaaˈˈ aˈ, dhɛɛdɩ- -a ˈye ˈe ɲankɔʋn bho mun ʋʋ ˈye -aʋ sʋn bho po -ɛ?

ˈBƆN DHƖ -ˈNƖƖN ANˈ I ˈŊWƆAN IN

ˈˈJhu dhueˈ -ɔɔ dhɛsaʋn- Zoova ˈghwlʋa ˈˈkpe -ka ɛ nʋan ˈtmʋʋɛn- sʋn ˈdhe Isaïe 1:18 ˈdhi ɔɔˈ -bo.

Aʋaˈ -pɛɛ ɛɛˈ zeei -dhe Zoova aˈ ɲʋn anˈ dhɛsaʋn- ˈˈkpe ˈghwlʋɛ- ɛɛˈ dɩ (5:02)

-Ka ɲankɔʋn- ˈyea ɲʋn nʋan dhɛsaʋn -klaaˈˈ aˈ sʋn bho -po sʋn nʋn ɛn.

-A -to ɲʋndɩkman- -e ɲʋn anˈ -ghwɛejheɛ- ˈdhe ɲɔn nʋan dhɛsaʋn bho.” (Ɲʋndheifuoi- ɔˈ -deɩn-, Gbeecʋ- 2024)

-Ka ɲʋn an nʋan ɲʋndɩkman- -e ɲʋn anˈ -ghwɛejheɛ- -to sʋn ˈdhe ɲʋn sea ʋaˈ dhɩsaɩn ˈˈɩ jhibho- bho ɛ, ŋmʋɛn jha.

Ɲʋn -pʋʋa- ˈzɔn ɔn, ka ɲʋn ˈbhɛɛ ɲʋn ˈyʋbʋ sʋn bho po -ɛ?” (Ɲʋndheifuoi- ɔˈ -deɩn-, -Gbeecʋ- 2024)

Ɲɔn -tɛɛan tɔˈdɩ bho tɛnˈˈ -dhe ˈˈdhe Zoova poa sʋn bho -ɔ jhia ˈe tɔˈdɩ ˈdhi ˈdhe ɔɔˈ -bo. (biographie “Il fallait que je revienne vers Jéhovah”).

“La Bible transforme des vies” (La Tour de Garde, 1er avril 2012)