ˈFɔ 7 ɔnˈ -deeghwlu-

ˈFɔ nɔn ɔn ˈtmʋɛn ˈBheɔ Sailɩ -e ˈBheɔ Davidɩ ɔˈ bo ɔˈ dɩ. Dhɩ -nʋʋan- ˈdhe zɩn anˈ 80 ˈdhi aˈ dɩ ɔɔ ˈtmʋn. Sailɩ ɔ jha ɔɔˈ ˈˈjɛ jha ˈˈdhe ɔɔ ˈjheɛ Ɲɔnsoa ŋwɔn -dhe. ˈKlaa ɔ ˈˈdooˈ ɔ ye ˈˈɩ zian- ˈˈdhe ɔ ˈbhɔ Zoova aˈ -dheinˈˈ bho po dɩ ˈmɛn. Zoova ˈse ɔɔˈ dɩ ˈŋwɔɔn- -dheeka ˈˈdhe ɔ ˈtmʋʋn Samiɛ ɔ ˈye Davidɩ ˈcran ˈˈdhru po -wɛeˈ ɔ ˈye Israɛkɔʋn anˈ ˈbheɔ -nɩn. Sailɩ ɔ nʋɛn Davidɩ -gwlɛnˈ bho. Ɔ ˈdɩn ɔɔˈ ˈdhbhaa ˈmɛn kpɛ -duuˈˈ. ˈKlaa Davidɩ ˈse kpa -za -flɛ. Zonatan nɩan Sailɩ ɔˈ ˈˈjhu jhibhiˈ -ka Zoova -za ˈo Davidɩ ɛ, ɛɛˈ dɩ ɔ kpʋn ˈo Davidɩ ˈˈbun in. Davidɩ nʋɛn dhɩsaɩn- -klaeˈˈ, ˈklaa ɔ ˈŋwɔɔn- Zoova aˈ ɲʋnkplɩnkwaiza- ˈmɛn jheejhee. -Bho a -nɩn ˈdhou -aeˈˈ -nɩn ˈˈbho ɛˈ, po -ˈman ˈˈjhu sun bho ɔ ˈyeɛ i ˈŋwɔn -ka ɛ -kɔandɩ ɲʋn ˈyea ˈo Zoova -e ɲʋn ɔ -za ˈo -ʋʋ ˈyea -aʋ jie bho po ˈˈbun in kpʋn ɛn.